9 وصفات غذائية صحية للتفاح - يلافورما
الرئيسية » تغذية » أكلات صحية » 9 وصفات غذائية صحية للتفاح

9 وصفات غذائية صحية للتفاح

9 وصفات غذائية صحية للتفاح

فطيرة التفاح ووصفات تانية تساعد على الجسم الرشيق

لو أنت يا فورما غاوى حلويات، فمفيش أحسن من أكل فطيرة التفاح "الابل باي"، ولمعلوماتك التفاح  من الفاكهة الى ملهاش منافس فى فوايدها الكبيرة للتخسيس، لأنه غنى بالألياف وفيتامين C وسكره قليل بطبيعته، والتفاحة المتوسطة بتساوى حوالى 90 كالوريز فقط لا غير

1. تارت التفاح "الابل باي"

سهلة ولذيذة ومفيش أسهل من الطريقة الفرنسية فى عمايلها، بس مشكلتها انها فى اغلب الاحوال بتتكون من نص باكت إلى باكت كامل زبدة، إنما فى طريقتنا الصحية هتستعمل فيها معلقتين شاى زبدة وبس، علشان كده تقدر تفترسها يا فورما من غير ما ضميرك يئنبك.

  • المكونات: تفاح - عجينه باف باسترى مجمده - زبدة - سكر بنى.
  • كالوريز: 201  في القطعة

2. وجبة فراخ بالسبانخ والتفاح

بتتكون من سبانخ وتفاح وفراخ  وميزة الوجبة دي انها خفيفة فى سعراتها الحرارية، لكن أليافها قليلة، عشان كدة زود عليها قطعة توست بني بالحبوب الكاملة علشان تبقي وجبة غذائية متكاملة.

  • المكونات: زيت نباتى - صدر فرخة مخلى - توم - مسترده بنى متبلة – تفاح وكوب عصير تفاح- سبانخ
  • كالوريز: 202

 3. سلطة التفاح Waldorf

المكونات هتكون تفاح وعنب وتوت برى أحمر مجفف وتخلطهم بمايونيز لايت – وتزود عليهم كرفس وجوز او (عين الجمل)، الطبق ده احسن طريقة  لإتباع نِظامٌ غِذائِيٌّ قَلِيْلُ البُورِين – وده بيساعدك فى الخسسان لأن الحمض ده موجود بكميات أقل فى المكسرات والفواكه، متنساش كمان إن التفاح والعنب والتوت الأحمر البري فيهم حَمْضُ الماليك "التفاح" اللى بيزود نسبة حمض اليوريك  فى جسمك وده بدوره بيساعد على حرق الدهون فى الجسم كويس جداً.

  • الكالوريز:153

392421962

 4. بارفيه التفاح

الوصفة دى بتعملها بالجبنة القريش علشان تقلل الدهون وخليط الجبنة مع التفاح والسكر البني والليمون مع الزبدة والفانيليا كل ده - بيديلك طعم جديد وحلو وصحي فى نفس الوقت للخسان.

  • المكونات: معلقة زبدة صغيرة - تفاح - سكر بنى - عصير ليمون بنزهير - جنزبيل - جبنة قريش -  معلقة سكر متوسطة - خلاصة الفانيليا.
  • الكالوريز:265

5. كول سلو بالتفاح

عايز تاكل سلطة كول سلو من غير متطخن جرب بديل لمكونات الكول سلو المعتادة (الكرنب مع المايونيز) – واستخدم التفاح مع الخس والجزر وقطع التوست البني ، السلطة دي فيها 2 جرام من الدهون و10 جرام كربوهيدرات للحصة الواحدة، وده أنسب طبق  جانبي للسلطات الى بنحبها مع المشويات من غير متطخن.

6. صوص التفاح مع القرفة

من أسهل ما يمكن عمله وبيزود حرق الدهون فى الجسم فى نفس الوقت، مجرد أنك تحط التفاح مع الزبدة على نار متوسطة مع القرفة وعصير الليمون،وبعدين ضيف الزبيب ، وسيبهم يبردوا فى التلاجة ، ممكن تضيف الصوص ده علي الأيس كريم فانيليا أو زبادى منزوع الدسم أو حتى على بان كيك، دلوقتى تقدر تاكل حاجة حلوة من غير قلق لو زودت عليها الصوص ده!

  • المكونات: زبيب – معلقة زبدة صغيرة - تفاح - قرفة - عصير ليمون - أيس كريم فانيليا أو زبادى منزوع الدسم.

 apple-parfaits-ck-222149-400x400

7. وجبة الفراخ بالتفاح والسمسم

أقلى الفراخ بمعلقة زيت صغيرة وضيف عليهم شرايح التفاح وشوية سمسم مع بودره الكارى لوجبة سهلة وصحية، الطبق ده بيجمع بين مكونات صحية ومفيدة اوى، وياريت لو تستعمل صويا صوص لايت مع طبق رز بني صغيرعلشان تحصل على طبق صحى أكتر.

8. عصير التفاح مع القرفة

المشروب ده لايت وبيتحضر فى 20 دقيقة بس القرفة بتدى المشروب الساخن ده نكهة رائعة وكمان بيمنع من تجلط الدم وبيحسن من مستوى السكر فى الدم، أستمتع بيه فى الصيف وبيدفيك كمان فى الشتاء.

9. كيكة التفاح بالقرفة والقرنفل

القرفة والقرنفل من التوابل صديقة الدايت علشان بتقوى الطعم والنكهات فى الوجبة من غير زيادة السعرات أو الدهون وكمان لهم فايدة جامدة لصحتك يا فورما، الزيت النباتى واللبن اللايت فى الوصفة دى بيقللوا خالص من دهون الزبدة فى الوصفات الاّخري عشان كدة الكيكة دى مفيدة وصحية وكمان هتحرقلك دهون الجسم.

  • المكونات: سكر بنى - جبنة كريمة لايت - زيت نباتى - مستخلص الفانيليا - بيض - دقيق - كربونات الصودا - قرفة - ملح - قرنفل - جوزة الطيب - قشطة لايت - تفاح -  معلقة سكر بودرة
  • الكالوريز: 205 في القطعة


التعليقات

التعليقات

الصعود لأعلى