7 طرق سهله لزيادة الوزن و علاج النحافة - يلافورما
الرئيسية » تغذية » 7 طرق سهله لزيادة الوزن و علاج النحافة

7 طرق سهله لزيادة الوزن و علاج النحافة

لو انت بتعانى من النحافة الشديدة وعايز تزود وزنك وتعلاج النحافة، لازم تعرف ان فى طرق معينة لعلاجها.

اول حاجة لازم تفكر برة الصندوق وتبعد خالص عن فكرة ان "وزنك بيزيد بصعوبة"، بصرف النظر عن الاعتقادات الخطأ اللى انت صدقتها، انت عندك القدرة  انك تحصل على جسم رياضى، تدهش بيه الناس اللى خلوك تصدق انك عمرك ما هتحصل على الجسم ده وتعالج النحافة.

خلاص انت مستعد انك تزود الحمل على معدل حرقك للدهون علشان تبنى عضلات، وما تخليش اى حد يقولك انك معصص او قلم رصاص تانى ابداً، يلافورما هتساعدك وتقولك على 7 طرق سهله لزيادة الوزن و علاج النحافة ، ما تستغربش لما تلاقى نفسك زايد 4 كيلو (10 رطل) على اخر الشهر الجاى.

  • ضاعف كمية اكلك

اهم واسهل طريقة هى انك تضاعف اى حاجة انت بتأكلها حالياً فى المطبخ من النهارده.

  • لو انت بتأكل صدر فرخة واحد فى الوجبة، كل اتنين.

  • لو انت بتأكل شريحتين توست، كل 4 شرائح.

  • لو انت بتأكل كبشة واحده مكسرات، كل كبشتين.

  • لو انت بتأخد معلقتين كبار من بودرة البروتين، خليهم 4 معالق كبار.

معظم الوقت انت بتكون محتاج تزود شوية من اكلك علشان تزود وزنك، دلوقتى ما عندكش اى عذر انك تزود نسبة الكالوريز بأنك تضاعف كمية اكلك.

  • كُل على فترات

طبعاً، انت عارف انك المفروض تأكل كل ساعتين او 3 ساعات، بس اد ايه انت ملتزم بالموضوع ده؟ علشان كده يلافورما بتقولك انك تظبت المنبه يضرب كل ساعتين او كل نص ساعة علشان تثبت العادة الأكل على فترات وما تتأخرش ولا ثانية لكل وجبة، اوعى تقفل المنبه الا ما تبدأ تأكل.

كمان مهم اوى انك تبدأ تأكل اول وجبة فى خلال 15-30 دقيقة من صحيانك (اوعى تزود المدة!!!)، طبعاً، لازم اول وجبة تحتوى على اكل حقيقى (مغذى) علشان تمد جسمك بعناصر غذائية جودتها عالية.

واخيراً، علشان تزود وزنك، لازم تلاقى نفسك:

  • بتقضى وقت اكتر فى تحضير الأكل

  • ووقت اكتر فى الأكل

  • ووقت اكتر فى تنظيف المطبخ

  • وطبعاً هتلاحظ انك بتقضى وقت اكتر فى السوبر ماركت

  • وكمان حتلاقى ان فاتورة السوبر ماركت بتزيد كل اسبوع!

  • استخدم أدوات أكل كبيرة

لو هدفك زيادة الوزن انت محتاج تستخدم أدوات أكل كبيرة علشان تعرف تضاعف كمية الأكل اللى انت بتأكله حالياً.

علشان كده، اشترى كوباية وبولة وطبق كبير، لأن معظم الوقت، الفورم اللى بيعانوا من النحافة بيكون اكترهم مش بيأكلوا كتير "أكلتهم قليلة"، لو انت بتعافر انك تخلص الوجبة، الحل انك تحط كمية كبيره فى طبق كبير علشان يكون شكل الكمية صغير!

  • أوعى تتمرن وأنت جعان

كام مرة صحيت الصبح وشربت بس بروتين shake وبعدين روحت الجيم؟ او كام مرة انت قضيت وقت طويل وفوت كذا وجبة وبعدين روحت عملت تدريب الـweight training بعد الشغل؟

بالمخ كده المفروض تتجنب الحاجات دى لو هدفك زيادة الوزن، بس فى فورم مش بياخد باله منها!!

احنا عارفين ان التدريب الصبح بيكون انسب معاد بالنسبه لناس كتير، بس احنا بنقترح انك تأكل على الأقل تلات وجبات مغذية قبل التدريب او تأكل اكبر وجبة فى اليوم بعد تدريبك الصباحى على طول.

انك تمرن جسمك على معدة فاضية بيكون زى ما تسوق عربية لمسافة طويل بنص تانك البنزين فاضى.


التعليقات

التعليقات

الصعود لأعلى