6 أسباب بيخلوا التدريب غير فعال - يلافورما
الرئيسية » تغذية » 6 أسباب بيخلوا التدريب غير فعال

6 أسباب بيخلوا التدريب غير فعال

6 أسباب بيخلوا التدريب غير فعال

علشان يكون هدفك واضح وتواصل تقدمك فى بناء وتقويه عضلاتك، لازم تتأكد انك مش بتروح الجيم بنتظام وخلاص بس كمان تخلى كل تدريب فعال! بس فورم كتير مش بيعرفوا يخلوا تدريباتهم فعاله، وطبعاً كويس أنك تأخد يوم راحه من الوقت للتانى بس أنك تتعود على الراحه ده بقى مش كويس علشان كده احنا مش حنطول عليكم ونقولك نصائح يلافورما.

6 أسباب بيخلوا التدريب غير فعال

  • قله التركيز

خليك صريح مع نفسك! كنت مركز وانت بتتمرن فى الجيم؟ ولا كنت بتبعت رسائل من على الموبيل، او قاعد على النت او مركز على الموبيل اكتر من على قوامك؟ كنت بتشوف نفسك فى المرايا؟

لو أنت مش مخلى كل تركيزك على عضلاتك، انت كده بضيع فرصه بناء عضلات قويه وكبيره فى وقت قليل.

  • سوء التغذيه

لما الأكل اللى انت بتأكله غير كافى، يبقى مستحيل التدريب بتاعك يكون فعال فى الجيم، الدايت لازم ما يكونش نسبته متوازنه بس بين البروتين والكربوهيدرات والدهون، ده لازم كمان تحط فى الأعتبار النسب اللى انت بتتناولها قبل التدريب، بمعنى انك لو أكلت كربوهيدرات او دهون قليله قبل التدريب احتمال كبير تتعب بسرعه فى الجيم.

  • مش بتنام كويس

لو انت مش بتنام لمده 6-8 متواصل كل ليله، ده حيأثر سلبياً على تدريبك، تعرف ان ليله واحده مانمتش فيها كويس ممكن تضيع فعاليه تدريب اليوم التالى.

  • عضلاتك ملت من تكرار نفس التدريب

لما تستخدم نفس التمرينات وعدد المرات والمجموعات بستمرار، ده ممكن يسبب عدم الأستفاده من التدريب لأن عقلك وعضلاتك ملوا بتكرار نفس التدريب، علشان كده خليك نشيط وغير من روتينك بستمرار واتحدى نفسك وضيف تدريبات جديدة وديناميك كل أسبوع، وبكده تتأكد ان كل سيشن حيكون مغامرة جديدة، علشان تخليك مركز بدنياً وعقلياً فى التدريب.

  • مش بتختار supplement كويسه

فى أنواع supplement كتير تقدر تختار منها يا فورما زى Creatine و beta-alanine و BCAA's وأعشاب حديثه (advanced herbs) وكربوهيدرات معده (engineered carbohydrates) وكافيين وإلخ، مش معقوله ما تستغلش التقدم العلمى فى الـ supplement لو انت فعلاً عايز تحسن من أداءك فى الجيم وتكبر وتقوى عضلاتك كمان، لو الدايت كويس ومناسب للتدريب، الخطوة التاليه انك تختار supplement كويس علشان تستفيد أقصى استفادة فى الجيم.

  • معندكش أهداف واضحه

اداءك فى الجيم حيتحسن كتير لو انت عندك اهداف قريبه وبعيده المدى، لأنها طبيعه بشريه ان يكون عندك هدف يخليك تعيش ويحمسك يومياً، لما تروح الجيم من غير أى هدف واضح، ممكن يخلى التدريب غير فعال، خلى عندك هدف قبل ما تروح الجيم!


التعليقات

التعليقات

الصعود لأعلى