5 نصائح تساعد على النوم والاسترخاء بعد التمارين – لأبطال رفع الاثقال! - يلافورما
الرئيسية » تمارين لياقة » 5 نصائح تساعد على النوم والاسترخاء بعد التمارين – لأبطال رفع الاثقال!

5 نصائح تساعد على النوم والاسترخاء بعد التمارين – لأبطال رفع الاثقال!

5 نصائح تساعد على النوم والاسترخاء بعد التمارين – لأبطال رفع الاثقال!

طبعاً يا فورما انت عارف اد ايه النوم اساسى لبناء العضلات وعلشان تستعيد نشاطك كمان! علشان كده حنقولك 5 نصائح بيعملهم الـbodybuilders علشان يستفيدوا من النوم بالليل اكثر استفادة.

أثناء النوم بتدى فرصة لجسمك انه يتعافى ويسترد نشاطه وينمو، والنوم بالليل بيكون انسب وقت لتعويض العناصر الغذائية وعلشان انت مش بتحرك جسمك وانت نايم – ده بيدي فرصة لعضلاتك انها تتعافى بنفسها، وده له علاقة بإنتاج هرمون النمو اللى بيزداد من إفرازه خلال النوم العميق، النوم المتقطع ممكن يحبس مستوى طاقتك ويقلل من الإنتباه ويضعف جهاز المناعة.

5 نصائح تساعد على النوم والاسترخاء بعد التمارين

  • أوعى تتمرن قبل ما تنام بفترة قصيرة

أيوة، التدريب ممكن يساعدك على النوم وتنام كويس، بس انك ترفع الـweights قبل ما تنام بفترة قصيرة ممكن يرفع حرارة جسمك ويخليك ما تعرفش تنام بسهولة، احنا عارفين انك مشغول معظم الوقت وبتحاول تتدرب كل ما يكون عندك وقت، علشان كده احنا بننصحك انك تخلص تدريبك قبل ما تنام بحوالى 3 الى 4 ساعات، خصوصاً لو انت بقيت تعانى من الأرق، الوقت ده بيكون كافى علشان تخلى حرارة جسمك تقل وتعرف تنام.

  • أقفل كل الأجهزة الإلكترونية

وجدت دراسة ان التعرض لمده 4 أسابيع لضوء اصطناعى، اللى بتتعرضله من الهواتف الذكية واللاب توب والتابلت وشاشة التليفزيون، بتسبب الأكتئاب والضغط النفسى اكتر من الناس اللى بيناموا فى غرفة داكنة، وده بيرجع لسبب واحد: ان التعرض للضوء بيأثر على الافراز الطبيعى للميلاتونين، وده هرمون بيساعد الجسم على الحفاظ على "نظم يوماوي"، علشان كده احنا بننصحك انك تقفل كل الأجهزة الإكترونية بحوالى 30 دقيقة قبل ما تنام.

  • حدد كمية شرب للكافيين

الكافيين له فوائد كتيرة بالنسبة لك زى انه بيزود من معدل حرقك للدهون وبيحسن من انتباهك وبيزود نشاطك، بس لو انت شربت كافيين متأخر اوى بالليل، حتحس بتوتر لما يجى معاد نومك، علشان كده احنا بننصحك انك ما تشربش الكافيين اثناء فترة العصر.

  • اختار أدوية النوم المناسبة لو عندك ارق

دواء الـAmbien والـLunesta وادوية تانية اللى الدكتور بيكتبها بتكون فعالة اوى وبتساعدك على النوم، بس بعد كده بتتعود عليها وبتبقى عاده، الأدوية دى ممكن تساعدك لفترة قصيرة، بس ممكن يسببولك دوخة لما تصحى الصبح، على عكس ما تخلى غرفتك داكنه وهادئه وده احسن علاج، حتى لو انت مانمتش، حتكون على الأقل اخدت قيلولة انت ممكن تكون منتبه بس فى نفس الوقت مسترخى.

  • قوم من على السرير

لو انت قاعد تتقلب كتير فى السرير، قوم منه شوية، احنا عارفين انه حاجة غير متوقّعه، بس انت حتلاقى الضغط والتركيز الزياده اللى انت بتبذله علشان تنام هو السبب انك لسه صاحى.


التعليقات

التعليقات

الصعود لأعلى