12 تدريب صغير تقدر يا فورما تعملهم يومياً! - يلافورما
الرئيسية » تمارين لياقة » 12 تدريب صغير تقدر يا فورما تعملهم يومياً!

12 تدريب صغير تقدر يا فورما تعملهم يومياً!

يلا فورما جابتلك 12 تدريب صغير علشان تقدر تعملهم كل يوم، التدريبات دول سهلين وبساط، ويناسبوا الشباب والبنات المبتدئين، مش حتحتاج لأى اجهزة رياضية، بس حتستخدم وزن جسمك، وأنت مش حتحتاج لمكان واسع علشان تعمل التدريبات، وأنت تقدر تعملهم فى اى وقت وفى اى مكان، لو أنت يا فورما من الناس اللى بيقعدوا على الكرسى 8 ساعات فى اليوم ما تعملش حاجه اكتر من تحريك الموس، يبقى لازم تبتدى تعمل الـ12 تدريب صغير دول علشان تقوى عضلاتك وتزود معدل حرقك للدهون.

مستعد أنك تجرب الـ 12 تدريب صغير دول دلوقتى؟

 

12 تدريب صغير :

 

  • قف وأعمل  10 مرات تمرينة الـsquat كل ساعة، ممكن تظبط المنبة علشان يفكرك.
  • خليك واقف وأنت بتقرأ الأخبار أو بتتصفح على Instagram أو بترد على بريدك الاكترونى.
  • كل ما ترجع تانى لمكتبك أعمل 10 مرات تمرينة الـside leg raises.
  • أعمل تمرينة الـleg raises أو تمرينة الـ flutter kicks وأنت بتتفرج على التليفزيون.
  • أعمل تمرينة الـtricep dips وأنت بتتفرج على اعلانات الأفلام.
  • أعمل تمرينة الـoverhead punches وأنت بتتفرج على اعلانات الـYouTube أو اعلانات التليفزيون.
  • أعمل تمرينة الـcalf raises وأنت بتحضر الأكل أو بتسخنه فى الميكرويف.
  • أعمل تمرينة الـhalf-jacks وأنت بتغلى المية.
  • أعمل 4-8 مرات تمرينة الـside-to-side lunges كل ما تعمل كوباية شاى أو قهوة.
  • قف على رجل واحدة وأنت مستنى حد أو حاجة.
  • مدد جسمك وخلى ايدك تلمس سقف الباب كل ما تعدى على الباب.
  • اثبت على وضعية الـplank وحط كوعك على الأرض وأنت بتتصفح الأنترنت على موبيلك أو على التابلت.

 


التعليقات

التعليقات

الصعود لأعلى