10 نصائح يا فورما عشان تقلل الدّهون اللي في جسمك - يلافورما
الرئيسية » تمارين لياقة » 10 نصائح يا فورما عشان تقلل الدّهون اللي في جسمك

10 نصائح يا فورما عشان تقلل الدّهون اللي في جسمك

10 نصائح يا فورما عشان تقلل الدّهون اللي في جسمك

عشان نخسر دهون الجسم ده شيئ كلنا بنحلم بيه, بس بخطوات و تريكات بسيطة تتعمل كل يوم ممكن نتخلص من الدهون دي بسهولة و نحافظ على كتلة العضلات في جسمنا. جرب تنفذ النصائح دي يا فورما طبعا مع نظام دايت مناسب و الرياضة او الجيم و قولنا في نتيجة ولا لأ.

نصائح عشان تقلل الدّهون اللي في جسمك

  1. زود البروتين في وجباتك يا فورما عشان تحافظ على كتلتك العضلية و تسرع عملية حرق الدهون.

  2. إشرب على الأقل 8 كوب من المياة عشان هتسرع عملية الحرق, خاليّ المياة على طول قدامك.

  3. إشرب كوباية مياة دافية مع نصف ليمونة الصبح عشان بتنضف الجسم و تعليّ المناعة و تسرع الحرق باقي اليوم (دراسات مؤكدة).

  4. كٌل أكلك ببطئ عشان المخ بيوصلوا إشارة إن الجسم شبع بعدها بـ20 دقيقة تقريبا.

  5. إستبدل السكر الأبيض بالقرفة مثلا على القهوة و الزبادي عشان يظبط سكر الدم و يقلل رغبتك للسكر.

  6. حاول تاكل وجباتك كل يوم في نفس الوقت و وجبة الفطار تكون بالكتير الساعة 10 الصبح.

  7. كٌل سناك خفيف كل 3 ساعات عشان ماتديش فرصة لجسمك أنه يجوع و بالتالي هتلغبط و تاكل اي حاجة قدامك.

  8. لازم تاكل دهون مفيدة زي الأوميجا 3 اللي موجودة في زيت الزيتون, الزيت الحار, المكسرات, التونة, الأفوكادو و زبدة الفول السوداني عشان هتساعدك على تقليل الشهية و فقدان الوزن.

  9. لازم تعرف تفرق بين الإحساس بالجوع و العطش, لما تحس انك عايز تاكل, إشرب كوب مياة بعدها استني 10 دقايق و لو حاسس بالجوع ممكن تاكل حاجة خفيفة.

  10. لو مش بتتمرن, مارس اي رياضة او حركات خفيفة في اليوم, زي انك تطلع و تنزل السلالم, او تتمشي لمدة ربع ساعة او حتي تتمشي في الغرفة لمدة 10 دقايق و تكرر الموضوع ده كذا مرة على مدار اليوم.


التعليقات

التعليقات

الصعود لأعلى