يلا نبدأ عادات اكل صحية بخطوات سهلة و بسيطة - يلافورما
الرئيسية » تغذية » إنقاص الوزن » يلا نبدأ عادات اكل صحية بخطوات سهلة و بسيطة

يلا نبدأ عادات اكل صحية بخطوات سهلة و بسيطة

يلا نبدأ عادات اكل صحية بخطوات سهلة و بسيطة

 انك تتخلص من الوجبات السريعة مش قرار سهل، علشان الأعلانات و لافتات المطاعم بتشجعنا على الأكل اكتر و اكتر، و بالتالى لازم يكون عندنا إصرار قوى علشان نحارب كل إغراءات الوجبات السريعة و كمان نقلل الرغبة فى أكلها.

تعالى نشوف مع بعض الجانب السيئ من الوجبات السريعة:

 بتخليك  معندكش صحة و كمان بطلعلك كرش.

متقلقش، الأمر مش مستحيل لو انت عندك قوة و عزيمة على أنك تبطل تأذى نفسك، خلاص قررت أنك تتغير للأحسن، سيب الحل علينا، متخفش مش هنحرم من الاكل اللى بتحبه بس هنساعدك أنك تظبطه بس.

1. أعمل تغيرات صغيره زى:

ترويق التلاجة و حاول كمان أنك تقل الاكل اللى بتحبه علشان متضعفش أدامه و تأكل بزيادة.

هديك أمثله:

  •       كل نص وجبة الهمبرجر اللى أنت متعود عليها فى اليوم.
  •       أطلب سلطة بدل البطاطس المحمرة.
  •       أطلب فراخ مشوية بدل المقلية.
  •       أعمل خطة و دخل 2 أو 3 وجبات صحية فى الأسبوع و خليك على النظام ده طول عمرك.

2. سيطر على أكلك:

حاول تبطل تأكل لما تكون حاسس بزعل/ بضغط أو سعيد، لما تحس بكده حاول تلعب رياضة أو أشغل نفسك بحاجة جديدة بعيده عن الأكل.

 عادات اكل صحية بخطوات سهلة و بسيطة

3. أتعلم أنك تقول "لا" للأغراءات:

لازم تقول "لا" لأى حد عايزك تأكل وجبات سريعة، زى أصحابك، زميلك فى الشغل و أهم حاجة للإعلانات، و لازم يكون عندك مقاومة قوية و يكون دايماً معك أكلك الصحى، و النتيجة هتكون أنت مصدر ألهام للي حواليك، علشان و بكل بساطة انت ماشى صح و هم لا.

4. المهم نوعية الأكل تكون كويسة مش الكمية:

أتعلم أنك تقلل كمية الوجبة، لازم تأكل كل يوم خضار و فاكهة و بروتين و كربوهيدرات، و العناصر التانية اللى مش محتاجها أنساها من الوجبات.

 عادات أكل صحية بخطوات سهلة و بسيطة

5. أقرأ القيمة الغذائية:

أى أكل بتشتريه مكتوب علية قمتة الغذائية، فأنت لازم تقرأه كويس قبل ما تشتريه و كمان تشوف بيحتوى على أيه، لازم تاخد بالك كويس أوى من كمية الدهون و الصوديم  و السكر اللى فى الأكل أو الشرب لأن كترها مش كويس على صحتك.

6. خلى عندك نظام غذائى خاص بك:

  • جرب وصفات أكل جديدة.
  •  دور على نصائح جديدة.
  •  أتمرن و ألعب رياضة علشان توصل لشكل الجسم الصحى اللى أنت عايزه
  •  كمان نظامك الخاص هيساعدك طول حياتك و حتكتشف أن ده كان النظام الأنسب لك من البداية.

التعليقات

التعليقات

الصعود لأعلى