هل وجود خطة منظمة للتمرين له أهمية كبيرة؟
الرئيسية » تمارين رياضية » نصائح وتمارين » هل وجود خطة منظمة للتمرين له أهمية كبيرة؟

هل وجود خطة منظمة للتمرين له أهمية كبيرة؟

هل وجود خطة منظمة للتمرين له أهمية كبيرة؟

وضحت إحدى الدراسات إنك لو عايز تبني عضلات أكتر وتخسر دهون أكتر لازم يبقى عندك خطة منظمة للتمرين، ولو ما عندكش واحدة، ضروري تلاقي واحدة!

بنقابل كل يوم في صالات الرياضة ناس بتتنقل من جهاز للتاني وتعمل تمرينات الأوزان الحرة من غير أي خطة للتمرين. بنهنيهم على مجهودهم وإنهم بيحاولوا، بس الدراسات الجديدة بتقول إن الفرق بين مجرد إنك تروح الجيم وإنك تروح الجيم لهدف محدد، زي الفرق بين السماء والأرض.

الدراسة اتعملت في إنجلترا، جابوا 369 شخص ما بيتمرنش وقسموهم إلى 4 مجموعات وتابعوا تقدمهم على مدار 48 أسبوع:

  • المجموعة الأولى حصلت على دخول مجاني لمركز لياقة بدنية من غير أي تعليمات بس بيقابلوا متخصصين في الرياضة مرة كل شهر عشان يتابعوا تقدمهم.
  • المجموعة التانية حصلت على دخول مجاني لجيم وبرنامج رياضي مصمم خصيصاً لكل عضو من أعضاء المجموعة، وبردو بيقابلوا متخصصين في الرياضة مرة كل شهر.
  • المجموعة التالتة ما حصلتش على اشتراك في أي مركز رياضي بس كانوا بيعملوا المقابلة الشهرية.
  • المجموعة الرابعة ما حصلتش على أي مساعدة.

تم اختبار جميع المشاركين قبل وبعد مدة ال48 أسبوع. وكانت النتيجة النهائية زي المتوقع، المجموعة التانية اللي كان معاهم اشتراك جيم وبرنامج رياضي مخصص وارشادات هم اللي حققوا أفضل نتائج في معظم الاختبارات. بس الاختبارات طلعت مفاجئات تانية!

المجموعة الأولى اللي كان معاها اشتراك للجيم ومتابعة شهرية بس من غير برنامج رياضي، خسرت نسبة 0.5% من دهون الجسم أما المجموعة التانية خسرت 2.5%. وأعضاء المجموعة الرابعة اللي ما أخدوش أي حاجة زادت قوتهم بنسبة 4.4% أما المجموعة التانية زادت 16%. المجموعة الأولى والتانية الاتنين كان معاهم اشتراك جيم مجاني، بس المجموعة الأولى خسرت رطل من العضلات بينما زادت المجموعة التانية 5 رطل أو أكتر من العضلات.

المفاجئ في الموضوع هو رغم إن أعضاء المجموعة الرابعة ما حصلوش على أي مساعدة، كانوا أكتر ناس يخسروا دهون من أي مجموعة تانية واحتلوا المركز التاني في زيادة وزن العضلات. والمثير للاهتمام بردو هو خسارة المجموعة الأولى للعضلات رغم حصولهم على اشتراك جيم مجاني.

أعضاء المجموعة التانية هم الوحيدين اللي خسروا نسبة كبيرة من الدهون وزادوا كمية عضلات محترمة في نفس الوقت. وبعض النظر عن المجموعة اللي كل واحد كان فيها، معظم ال369 شخص اتحسنوا عن الأول من نحية القوة البدنية وخسروا دهون وزادوا عضلات. كما لاحظ القائمون على البحث إن أفضل طريقة لزيادة نشاط الناس اللي ما كانوش بيتمرنوا خالص هي البدء بتمارين الأيروبكس.

نستنتج من البحث ده إن لما نلاقي حد تايه في الجيم، نعرفه خطط تمرينات يمشي عليها، يمكن واحدة منهم تنجح في زيادة قوته ومكافحة السمنة وتحسن صحته.


التعليقات

التعليقات

الصعود لأعلى