هل أنت يا فورما ما بتشربش مية كفاية ؟ - يلافورما
Home » تمارين لياقة » نصائح » هل أنت يا فورما ما بتشربش مية كفاية ؟

هل أنت يا فورما ما بتشربش مية كفاية ؟

هل أنت يا فورما ما بتشربش مية كفاية ؟

كلنا نعرف أن المفروض نشرب مية كفاية ، فى الحقيقة احنا معظم الوقت:

  • بنسى نشرب مية
  • مش عايزين نشرب
  • بنشرب اى حاجة ما عدا المية.

النتيجة ان احنا بيجلنا جفاف اللى بيأدى الى:

  • دوخة
  • صداع
  • تكاسل
  • بتتشوش وميخلكش تنتج وتركز فى شغلك
  • ما يخلكش تركز فى حياتك اليومية.

احنا ممكن نتجنب موضوع الجفاف ده بأننا نشرب مية كفاية وتعمل بالنصائح الجاية دى علشان يكون الموضوع سهل أنك تفتكر تشرب مية كفاية.

أول قاعدة علشان تحول اى حاجة لعادة، لازم تخليها سهلة وتعرف تجبها بسهولة، علشان تشرب مية كفاية، المفروض تحط شوية مية فى زجاجة أو كوباية وخليها جنبك (زى المكتب بتاعك) لما تعمل كده المية حتكون جنبك وتشرب أكتر وبسهولة.

طريقة تانية علشان تشرب مية أكتر، ممكن تحط نكهة عليها علشان تخلى طعمها حلو، خصوصاً للفورم اللى متعودين على شرب مشروبات مسكرة وصودا، النكهات اللى ممكن تحطها على المية هم: الخيار أو الليمون من غير اضافة اى سكريات، المفروض أنك تحضرها قبل ما تشرب بفترة (مثلاً الليله اللى قبليها):

  • قطع نص لمونة أو نص خيارة
  • حطها فى إبريق
  • املاه بـ2 لتر مية

وخليه فى التلاجة طول الليل

كده بقى عندك 2 لتر مية ساقعة وفيها نكهة، حتندهش بأنك حتشرب كوباية ورا كوباية من غير ما تتوقع.

نصيحة تانية علشان تشرب مية اكتر: مش احنا بنحب تشرب تقريبا معظم المشروبات بالشاليمو زى العصير والشاى والقهوة، طب ليه احنا مش بنعمل كده مع المية؟ جرب تشرب المية بالشاليمو، وأنت حتندهش بكمية المية اللى أنت حتشربها، كل اللى عليك تعمله انك تشترى كيس شاليمو وحط واحدة لما تشرب مية.

خلاص يا فورما اخر نصيحة علشان تشرب مية أكتر: مش احنا بنكتب اكلنا كالوريز قد اية فى اليوم، ليه ما نعملش كده مع المية؟ أنت مش لازم تشرب 2 لتر مية فى اليوم، أنت ممكن تقسم الموضوع ده على أهداف صغيرة، مثلاً ممكن تشرب 2-3 كوبايات كبار مية اكتر فى اليوم، كلنا عرفين ان احنا ممكن نحصل على المية من اكلنا ومن مشروبات تانية (زى القهوة والشاى) بس احسن مصدر للمية هو المية، ممكن تحدد ميعاد معين وتشرب مية فى الوقت ده كل يوم، مثلاً الساعة 8 الصبح و3 و9 بالليل، والاوقات دى هما ساعت "المية"، أنت ممكن كمان تنزل app علشان تعرف انت شربت مية قد اية.

النصائح الفاتت حتساعدك أنك تتعود على شرب المية لحد ما تحتاجش لأى حد يفكرك، أوعى يا فورما بعد المقال ده كله ما تكونش شربت مية، يلا يا فورما اشرب مية.


التعليقات

التعليقات

Scroll to top