نظام غذائى لزيادة الوزن للشباب - يلافورما
الرئيسية » تغذية » أكلات صحية » نظام غذائى لزيادة الوزن للشباب

نظام غذائى لزيادة الوزن للشباب

النظام الغذائى ده مناسب للشباب اللى عايزين يبنوا عضلاتهم ويتخلصوا من النحافة، أوعى تنسى تقرأ "6 نصائح لزيادة الوزن وعلاج النحافة للشباب" و"تمارين لزيادة الوزن للشباب" خصوصاً التمارين لأنها مناسبة مع النظام الغذائى.

انت هتحصل على: 3,000 كالوريز و300 جرام كربوهيدرات و225 جرام بروتين و100 جرام دهون.

علشان تبنى عضلاتك انت محتاج اكل غنى بالكربوهيدرات والكالوريز فى نفس الوقت، لازم تفتكر، مش معنى انك عايز تبنى عضلاتك تأكل اى حاجة ادامك، انت هتأكل اكل له جودة عالية وغنى بالكربوهيدرات، واكتر وقت الجسم محتاج العناصر دى - فى وقت التدريب، ملحوظة: النظام الغذائى ده للشباب اللي بيتمرن بعد الظهر، لو انت بتتمرن الصبح، بكل بساطة ظبط مواعيد الاكل الغنى بالنشويات وخليه قبل وبعد التدريب على طول وابعد خالص عن النشويات فى اى وقت تانى طول اليوم.

لو  عايز تربي عضلات وتعمل فورما بطريقة صحية ومفيدة لجسمك، النظام ده مناسب ليك، لأن نسبة الكربوهيدرات قليلة ونسبة البروتين عالية، كمان النظام ده بيركز على الاكل الغنى بمضادات الاكسدة اللى بتحسن من الأوعية الدموية الى جانب الحماية من التهاب الاعصاب - ودى اهم حاجة بتحفز على نمو العضلات فى الجسم.

نظام غذائى لزيادة الوزن للشباب

نظام غذائى لزيادة الوزن

الوجبة "1": بيض اومليت مع جبنة وبصل أخضر

  • 3 بيض غنية بالأوميجا 3

  • 4 بياض البيض (علشان تنوع فى الأكل، ممكن تبدله بـ2 سجق فراخ صغيرة او شريحتين لاشون لحمه او ديك رومى او ¼ كوباية سلمون معلب)

  • ¼ كوباية جبنة شيدر مقطّعه

  • 2 بصل أخضر، مقطّع (ممكن تبدله بمعلقتين صلصه كبار او ¼ كوباية بصل مقطّع او معلقتين كبار من الطماطم مجففة مقطّع)

  • 2 شريحه توست اسمر (ممكن تبدله بـ3 تورتيلا بالذرة او 1 تورتيلا كبيرة بالدقيق او ⅓ كوباية من لفائف الشوفان)

  • 1 تفاحه صغيرة (ممكن تبدلها بـ2 كيوى او 1 موزة صغيرة او 1 كوباية من التوت الأحمر)

الوجبة "2": سموزى باللوز وتوت بري

  • 2 معلقة كبيرة من بودرة بروتين بالفانيليا

  • 1 كوباية من التوت البري (ممكن تبدله بـ ¾ كوباية من قطع المانجو المجمد)

  • 1 اونس من اللوز (ممكن تبدله بـ1 اونس من الكاشيو)

  • 1 كوباية من لبن فانيليا اللوز (ممكن تبدله بلبن فانيليا جوز الهند)

  • 1 كوباية مية

  • 3-4 مكعبات تلج.

الوجبة 3: البط المشوي مع سلطة الطماطم والبقوليات

  • 250 جرام من  البط المشوي (ممكن تبدله بـقطعة سلمون فيليه او 3 صدور فراخ من غير جلد او قطعة من سمك التونة)

  • 1 طماطم، مقطّعة

  • ½ خيارة، مقطّعه

  • 1 كوباية من حمص الشام (ممكن تبدله بـ1 كوباية من اللوبيا او 1 كوباية من فاصوليا بيضة)

  • 1 معلقة صغيرة من زيت الزيتون


التعليقات

التعليقات

الصعود لأعلى