نصائح يلافورما للحفاظ على عضلات قوية - يلافورما
الرئيسية » تمارين لياقة » نصائح يلافورما للحفاظ على عضلات قوية

نصائح يلافورما للحفاظ على عضلات قوية

نصائح يلافورما للحفاظ على عضلات قوية

يلافورما حتقولك على الأخطاء الشائعه اللى بتأدى الى فقدان العضلات، علشان كده حاول تتجنبهم للحفاظ على عضلات قوية.

  • تدريب Cardio شديد

تدريب الـ Cardio ممكن يأدى الى فقدان العضلات اللى انت حصلت عليها، لو انت ادربت cardio كتير ولمده طويلة وعلى معدة فاضية، انت فعلاً حتخسر عضلاتك، لما تعمل cardio يومياً ولمده 45 دقيقه او اكتر والـintensity بتاعته عاليه الصبح قبل الفطار، كل العوامل دى حتخليك تفقد عضلات بدل ما تحرق كالوريز.

  • تتمرن لحد ما تتعب

لما تعمل مجموعات (sets) ومرات (reps) كتيره لدرجة التعب، انت كده بتجهد عضلاتك ومش بتقويها ولا بتكبرها، التدريب الأكتر من اللازم مش حيساعدك فى بناء العضلات بالعكس انت حتفقد عضلاتك.

  • مش بتأكل كويس

لو انت عايز تبنى عضلاتك انت محتاج تزود من نسبة الكالوريز اللى انت بتتناولها، بس مش معنى كده أنك تأكل اى حاجة ويبقى عندك كرش، مهم أوى أنك تأكل اكل صحى ومناسب مع اهدافك علشان لما تتدرب أكلك يغذى عضلاتك ويكبرها.

  • بتفوت تدريب الـ stretching

فورم كتير بيفوتوا تدريب الـ stretching مع انه اهم عنصر لبناء العضلات، تدريب الـ stretching بيسرع من تعافى العضلات وبيلين العضلات، وبيقلل من خطر الأصابه اثناء التدريب.

  • مش بتغير روتين التدريب

لما تعمل نفس روتين التدريب لفترة طويله مش بس حيوقف بناء عضلاتك ده كمان ممكن تفقد عضلاتك اللى انت حصلت عليها، علشان كده زود الـweights او تزود عدد المرات (reps) و المجموعات (sets) علشان تحصل على عضلات اقوى واكبر.

  • أكل غير منتظم

الاكل المتقطع بيكون أسوء من انك ماتأكلش خالص، علشان كده لازم تأكل كل 3 ساعات علشان معدل حرقك للدهون يحرق بكفائه وماتخليش جسمك فى حاله مجاعه.

  • مش بتحصل على راحه كفاية

هرمون النمو هو الهرمون اللى بيبنى العضلات وبيتم افرازه اثناء النوم، علشان كده لو انت نمت اقل من 6 ساعات بالليل حيقلل من الأنتاج الطبيعى للهرمون فى جسمك، لو انت بتدرب 7 ايام فى الأسبوع وبتعمل رياضة شديده من غير راحه كافيه حيأدى الى فقدان العضلات.

  • إهمال فى شرب بروتين shake

لما تشرب خليط من البروتين والكربوهيدرات بعد التدريب حيزود من عملية التعافى وده مهم جدا لبناء العضلات (زى ما قولنا قبل كده)، لان جسمك بيحتاج عناصر غذائية علشان العضلات تتعافى وتزود من نموها عن طريق شرب الـ shakes، لو انت مش عايز تشرب shakes، انت لازم تأكل وجبتك التاليه فى خلال 30 دقيقة بعد التدريب.

  • بتمرن بس العضلات الأساسيه او عضلات الجزء العلوى من الجسم

لما تركز على تمرين العضلات الأساسية او عضلة الباى وبس مش حتحصل على النتائج اللى انت عايزها، لو انت بتتمرن بالشكل ده نمو عضلاتك مش حيكون متوازن وممكن يأدى الى اصابه، كمان 70% من تكوين عضلات جسمك الأجمالى بيتركز فى الظهر والرجلين، علشان كده لازم تحطهم فى الأعتبار وتركز على تمرينهم اكتر.

  • تفضيل تدريب "Body-Part"

بعض الفورم بيفضلوا انهم يقسموا الروتين التدريبى على ايام زى يوم لعضلة الظهر ويوم لعضلة الصدر ويوم لعضلة الرجل، والتدريب ده قديم شوية وممكن تبنى عضلاتك بيها لفترة بس ممكن كمان تتصاب، طريقة التدريب دى حتمنع عضلاتك الأساسية من انهم يتمرنوا مع بعض وحتاثر كمان على تناسق الجسم اللى انت حتحتاجه لما ترفع weights تقيله.


التعليقات

التعليقات

الصعود لأعلى