نصائح للتخسيس السريع وبطريقة صحيه - يلافورما
الرئيسية » تمارين لياقة » نصائح للتخسيس السريع وبطريقة صحيه

نصائح للتخسيس السريع وبطريقة صحيه

نصائح للتخسيس السريع وبطريقة صحيه

يلافورما حتقولك على 5 نصائح للتخسيس السريع وكمان بطريقة صحيه وسهله، اتبع النصائح دى علشان تساعدك وانت بتخس، هما عبارة عن عادات صحيه بس حيغيروا من شكل جسمك خالص.

  • كُل ببطء

أكتشفت دراسة العلاقة بين سرعة الأكل وكمية الأكل اللى احنا بنتناولها، اثبتت الدراسة ان الناس اللى بيأكلوا بسرعة بيأكلوا اكل أكتر بنسبة 55% للدقيقة بالمقارنة بالناس اللى بيأكلوا ببطء، علشان كده يا فورما انت محتاج تأكل وجبات ببطء بمده 15 لـ20 دقيقة.

  • كُل بروتين اكتر

البروتين بيخلى معدل حرقك للدهون يحرق بكفائه، كمان البروتين بيتحكم فى شهيتك وبيساعدك انك تحصل على عضلات من غير دهون ويحسن من أداءك الرياضى، وجدت الدراسة ان الناس اللى أكلهم غنى بالبروتين، قدروا يحافظوا على الوزن اللى خسوا حتى بعد 12 شهر، علشان كده أنت تقدر تزود من نسبة البروتين فى الدايت بتاعك عن طريق اكل صدر فرخة او سمك او لحمه حمره او اى مصادر بروتين تانية فى وجباتك اليوميه.

  • كُل كربوهيدرات صحيه فى الوقت المناسب

لو انت فعلاً عايز تخس بسرعة لازم تأكل كربوهيدرات صحيه فى الوقت المناسب، استبدل الباستا والرز والعيش الأبيض بحبوب القمح الكاملة ورز بنى وكربوهيدرات مش معالجه، كل الاختيارات دى غنية بالألياف وقليله السكريات وبكده حيخدوا وقت اطول فى الهضم، أما الوقت المناسب لأكل الكربوهيدرات الصحيه بيكون بعد تدريب شديد لما عضلاتك بتحتاجها علشان تتعافى.

  • أختار الوجبات الصحيه

بدل ما تأكل وجبات مش صحيه طول اليوم، الاحسن انك تخلى وجباتك بتحتوى على نسبة معينة من البروتين والكربوهيدرات والخضروات والدهون اللى بتناسب هدفك وخلى النسب دى دايماً ادامك علشان تلتزم اكتر، وبكده حيكون سهل عليك انك تتابع نسبة الكالوريز اللى انت بتتناولها يومياً.

  • وقف الأكل قبل ما تشبع

المفروض تأكل لحد ما تكون شبعان 80%، انت تقدر توقف الأكل بكل سهوله، لما تحس بالشبع، علشان كده كُل ببطء علشان تشبع بسرعة.


التعليقات

التعليقات

الصعود لأعلى