نصائح غذائية للبنات علشان تحصلى على جسم صحى ورائع - يلافورما
الرئيسية » تغذية » إنقاص الوزن » نصائح غذائية للبنات علشان تحصلى على جسم صحى ورائع

نصائح غذائية للبنات علشان تحصلى على جسم صحى ورائع

نصائح غذائية للبنات علشان تحصلى على جسم صحى ورائع

هنقولك نصائح غذائية علشان تعرفى تتحكمى فى جوعك وتزودى من طاقتك…

الدايت بيأثر جامد على جوعك ومستويات توترك وطاقتك طول اليوم، لما تختارى أكلات صحية وتحسنى من عادات أكلك الصحية، هتلاقي الموضوع بقى سهل انك تحافظى على رشاقة جسمك وتتحكمى فى أكلك وتحسى بنشاط طول اليوم.

يلافورما هتقولك على شوية نصائح غذائية للبنات وأنتِ بتتبعى دايت صحى:

  • كُلى فطارك: لما تأكلى فطار صحى الصبح، هيحسن من اداء معدل حرقك للدهون، أثبتت الدراسات ان الفورم اللى بيأكلوا فطارهم بيكونوا أقل وزناً من الفورم اللى بيفوتوا الفطار، الفطار الصحى هيمدك بالطاقة طول اليوم.

  • كُلى على فترات: لما تأكلى على فترات بعيدة ممكن تحسى بالتعب والعصبية، علشان كده حاولى تأكلى حاجة على الأقل كل 3 الى 4 ساعات، ادعمى دورة جسمك الطبيعية للطاقة عن طريق أكل وجبة الأفطار الجوهريه وجبة غداء مغذية وتأكلى سناكس على الساعة 2 بعد الظهر (علشان تعوضى طاقة جسمك اللى بتنخفض طبيعياً حوالى 3 بعد الظهر كل يوم) وعشاء خفيف وبدرى.

  • أبعدى عن الوجبات السريعة: أكل سناكس مسكرة وكربوهيدرات بسيطة بيسبب الصعود والهبوط الشديد فى مستويات الطاقة والمزاج، البعد عنها صعب بس مش مستحيل، لو انت قاومتي كذا يوم، هتلاقي نفسك مش عايزة تأكليها زى الأول.

  • ركزى على الكربوهيدرات المركبة: أكل زى بطاطس فى الفرن وباستا بالحبوب الكاملة و ارز بنى والشوفان وعيش الحبوب الكاملة والموز اللى بيحسن من مستوى السيروتونين "مزاجكك الكويس" ومن غير سرعة، لأنهم بيمدوكِ بألياف كتير فتحسى بالشبع لفترة أطول.

  • زودى طاقتك مع أكل غنى بالبروتين: البروتين عنصر اساسى فى اى دايت صحى، بس انك تكترى من اكل البروتين الحيوانى - زى النسب المقترحه فى العديد من الدايتات اللى بتعتمد على كربوهيدرات منخفضة وبروتين عالى - نوع الدايت ده خطر للبنات، لما تأكلى بروتين حيوانى كتير ممكن يسبب فى نقص الكالسيوم ويؤدي الى نقص كثافة العظام وتخلخل العظام، بدل ما تأكلى لحمه حمره ولحمه مصنعه ومعالجه زى الهوت دوج والسلامى، كُلى سمك وفراخ وديك رومى من غير جلد ومنتاجات ألبان قليله الدسم وبروتين نباتى زى الفول والمكسرات والبذور والبسلة.


التعليقات

التعليقات

الصعود لأعلى