نصائح صحية علشان تكون رشيق وبصحه - يلافورما
الرئيسية » تغذية » إنقاص الوزن » نصائح صحية علشان تكون رشيق وبصحه

نصائح صحية علشان تكون رشيق وبصحه

نصائح صحية علشان تكون رشيق وبصحه

انت بتعانى من الكرش ؟ لو عندك كرش، تعرف ان الناس اللى عندهم دهون على البطن معرضين لمشاكل صحيه خطيرة؟ انت بكل سهولة تقدر تعرف عندك دهون على البطن ولا لا لما تقيس مقاس وسطك، الشباب اللى عندهم كرش ممكن يصابوا بمرض فى القلب او سرطان او مرض السكرى لما يزيد مقاس وسطهم ويكون اكتر من 102 سنتيمترات، علشان كده يلافورما جابتلك شوية نصائح صحية علشان تكون رشيق وبصحه.

اشرب مية اكتر

المية مافيهاش كالوريز ولا سكر ولا كربوهيدرات، وبتكون احسن حاجة للعطش وللجوع، المية كمان بتساعد الجسم انه يتخلص من السموم الضارة، ووجدت الأبحاث ان الناس اللى بيشربوا اكتر من 6 كوبايات فى اليوم ممكن لا يصابوا  بالسكتات القلبية بنسبة 40%.

نام كويس

النوم مهم جداً لصحتنا، مستحب انك تنام لمده 8-9 ساعات كل يوم بالليل، النوم بيساعد المخ انه يعزز معلومات جديدة فى الذاكرة، النوم اللى مش كافى ممكن يخليك قلق وما تعرفش تركز، ويقل المزاج وتحس بتعب ما تعرفش تعمل الحاجات اللى انت بتحبها.

خليك نشيط 

التدريب من أهم الحاجات اللى المفروض تعملها علشان تكون بصحه، التدريب ممكن يساعدك ويتحكم فى وزنك ويقلل من خطر الاصابة بمرض القلب الوعائى ومن انواع السرطان ومرض السكرى النوع التانى ويقوى العظام والعضلات، كمان بيحسن الحالة الذهنية والمزاج.

البالغون بيحتاجوا على الأقل 150 دقيقة من تدريب aerobic متوسط (زى المشى) وكل اسبوع تمرن عضلاتك وتقويها مرتيين او اكتر فى الأسبوع، اختار التمارين اللى بتمرن معظم العضلات.

كتر من أكل الألياف

وجدت الأبحاث انك لما تأكل 25-30 جرام من الألياف يومياً ممكن ينظم ضغط الدم، ممكن يمنع مرض السكرى ويقلل من خطر اصابة مرض القلب وارتفاع ضغط الدم وانواع السرطان، الى جانب ان الألياف كويسه جداً للتخسيس، فالألياف هتساعدك انك تكون رشيق وبصحه.

اعمل فحص طبى شامل بانتظام

لما تعمل فحص طبى شامل بانتظام ، ممكن يساعدك فى اكتشاف المشاكل الصحية بدرى، وبكده يكون عندك فرصة انك تعالجها بسرعة وفى اولها وتعيش حياة صحية.


التعليقات

التعليقات

الصعود لأعلى