مياة بنكهات مختلفة للتخسيس - يلافورما
الرئيسية » تغذية » إنقاص الوزن » مياة بنكهات مختلفة للتخسيس

مياة بنكهات مختلفة للتخسيس

مياة بنكهات مختلفة للتخسيس

المية يا فورما بتساعد الكلى أنها تأدى وظيفتها بشكل صحيح، وبتساعد على التخسيس وتعزز جهاز المناعة وتحافظ على مستوى طاقتك، لما تحط فواكه وأعشاب للمية بتاعتك اللى بتحتوى على فيتامينات ومعادن اساسية حتفيد جسمك أكتر وأكتر.

يلا فورما جابتلك أفكار مياة بنكهات مختلفة للتخسيس:

حط ليمون فريش معصور على كوباية مية دافية، بننصح أنك تشربها على الريق الصبح، المشروب ده حيساعدك على توازن ph وحتعزز جهاز المناعة، وحيساعدك فى الهضم وتخسيس وحينشط الكبد، وكمان حيمدك بجرعة كبيرة من فيتامين C.

  • مياة بالخيار والنعناع والليمون

جيب نصف خيارة مقطعة وعود نعناع فريش ونص لمونة على كوباية مية، المشروب ده كويس جداً للهضم وحينضف جسمك من السموم.

  • مياة بالأناناس مع زنجبيل

جيب نصف كوباية أناناس ومعلقة كبيرة من الزنجبيل فريش على كوباية مية، المشروب ده حيساعد على الهضم والزنجبيل هو مضاد للاتهاب.

  • مياة بالفراولة وتوت الأحمر وتوت البرى

املا كف ايدك بالفراولة وتوت أحمر وتوت برى، وبعدين حط المية المفلترة وسبهم لمده 30 دقيقة فى الفريزر وستتمتع بالطعم والفوائد، المشروب ده مليان بمضادات للأكسدة وفيتامينات ومعادن وكمان طعمه رائع.

  • مياة بالبطيخ والنعناع والقرقة

جيب ¼ كوباية بطيخ وورق نعناع وعود قرفة وكوباية مية، المشروب ده حيساعدك على تنضيف جسمك من السموم وحيساعد الكبد والكلى فى عملية تنضيف السموم.

  • شاى أخضر ونعناع وليمون حامض

ممكن تشرب المشروب ده ساقع أوساخن، حط شاى اخضر مع ورق النعناع، المشروب ده حيساعد فى حرق الدهون والهضم.

  • مياة بالبقدونس

حط حزمة مقطة قطع صغيرة من البقدونس فى كوباية مية واغليهم لمده 10 دقائق وبردها فى الفريزر وبعدين أشربها، المشروب ده حينضف الكلى.


التعليقات

التعليقات

الصعود لأعلى