ممكن بزر الكتان يساعد على إنقاص الوزن ؟ - يلافورما
Home » تغذية » أكلات صحية » ممكن بزر الكتان يساعد على إنقاص الوزن ؟

ممكن بزر الكتان يساعد على إنقاص الوزن ؟

نعم يا فورما! بزر الكتان بيحتوى على كمية هائلة من المكونات الصحيه اللى بتكون كويسه لإنقاص الوزن، كمان هو كويس للصحه القلب وسريان الدم.

3 أهم مكونات موجودة فى بزر الكتان

  • أوميجا-3، أحماض دهنيّة مهمه وصحيه - بتساعد على إنقاص الوزن.

  • ألياف، بتحتوى على النوعين المادة المحللة والغير محللة - بتساعد على إنقاص الوزن.

  • Lingnans اللى بتقلل من كولسترول الدم.

إزاي بيقدر بزر الكتان يساعد على إنقاص الوزن ؟

الى جانب هذا بيحتوى بزر الكتان على العديد من المكونات الصحيه، كمان بينفخ بسهولة البطن لما يتأخد مع اى سائل، وبكده تحس بالشبع وما تأكلش لفترة أطول، بزر الكتان بيحتوى على مكونين اللى مهمين اوى لإنقاص الوزن، المكونين دول هم:

  • أوميجا 3

الأحماض الدهنيّة الصحيه بتكون مهمه جداً لاى نوع دايت، لأنها بتمد جسمك بالقوة والطاقة وفى نفس الوقت تحرق الدهون، بس انت لازم تأكل الدهون الصحيه بس (الدهون غير مشبعة) اللى بتقلل من كولسترول الدم، من الدهون الصحيه دى هى الأوميجا 3 اللى موجوده فى بزر الكتان وفى معظم المأكولات البحرية.

الأوميجا 3 مهمه لأنها بطيئه الهضم علشان كده بتحس بالشبع لفترة أطول، كمان الدهون الصحيه زى أوميجا 3 بتساعد فى عملية الهضم لأنها بتكسر الكربوهيدرات والبروتين، علشان تاخد الجرعة اللى جسمك بيحتاجها يومياً من أوميجا 3، انت محتاج تاخدها على شكل supplements (للفورم اللى متبعين دايت والـbodybuilders).

  • ألياف

جسمنا مش بيهضم الألياف بسرعة علشان كده بنحس بالشبع لفترة طويلة، بالنسبة لبزر الكتان فهو بيحتوى على ألياف ذائبه وغير ذائبه، الألياف الذائبة بتقلل من مستوى الكولسترول فى الدم، والألياف الغير ذائبة بتسهل حركة الأكل فى القولون، كمان بزر الكتان بيحتوى على كالوريز قليلة وكربوهيدرات قليلة علشان كده كويس لإنقاص الوزن.


التعليقات

التعليقات

Scroll to top