ما هي اكتر 8 محظورات لازم تتجنبها فى الجيم - يلافورما
الرئيسية » اللياقة » ما هي اكتر 8 محظورات لازم تتجنبها فى الجيم

ما هي اكتر 8 محظورات لازم تتجنبها فى الجيم

ما هي اكتر 8 محظورات لازم تتجنبها فى الجيم

لو انت عارف إزاى تستخدم الـsquat rack، يبقي تمام يا فورما - بس علشان تعرف أتيكيت الجيم محتاج تتعرف على بعض القواعد اللي المفروض تمشى عليها جوا الجيم.

لازم تأخد بالك اكتر وتعرف ان فى 8 محظورات لازم تتجنبها فى الجيم ، وبكده مش حيكون عندك اعداء فى الجيم.

  • نظف الـmat أو الـbench قبل ما تستخدمهم

الـmats والـbenches اللى مش نضيفة ممكن تحتوى على فيروسات وبكتيريا وفطريات، لو انت عورت نفسك او اتخدشت ممكن تتعدى عدوى خطيرة من الأماكن اللى فيها الجراثيم دى، بس لو انت استخدمت بخاخ او wipes او معقم علشان تطهر الأسطح بسرعة، دايماً يا فورما نظفهم قبل وبعد ما تستخدمهم وبكدة هتتجنب العدوي.

  • أوعى تستحمى فى الجيم من غير متستخدم "شبشبك الخاص"

لازم تحافظ على نفسك من البكتيريا اللى موجودة فى وحدات الدش، بصرف النظر عن المعايير الصحية التابعه للجيم، لو استحمت فى الجيم اشترى شبشب رخيص وخليه معاك فى شنطه الجيم.

  • لا تسئ استخدام الأجهزة عن قصد يا فورما

على سبيل المثال: استخدم جهاز الكتف لما تعوز فعلاً تمرن كتفك، ومتستخدموش علشان تمرن اى عضلة تانية، اولاً انت بتشغل الجهاز من حد عايز فعلاً يستخدم الجهاز بطريقة صحيحه، تانى حاجة، انت ممكن تكسر الجهاز وتعور نفسك.

  • ما ترفعش الـweights من غير weight collars

انت لازم تحط الـweight collars وانت بتستخدم الـbarbells، بصرف النظر الـweight وزنه اد ايه، الـplates ممكن تتزحلق ويختل توازنك.

  • ما تمشيش جنب حد بيتمرن

لازم يكون فى مسافة بينك وبين اللى بيتمرن، انت مش عارف ممكن يحصل ايه، ممكن ميعرفش يتحكم فى الـweight وتروح وقعه منه او انت مش عارف يمكن التمرين اللى هو بيعمله محتاج حركة كتير، وكمان لو فى حد بيعمل تمرينة الـpushups لو سمحت ما تعديش من فوقيه انت مش فى سبوع حد انت فى الجيم.

  • ما تعاكسش البنات يا فورما

فى بعض الجيمات بتكون مختلطة، بس مش معنى كده انه مسموحلك تعاكس البنات، خليك فى حالك وركز فى التمرين يا فورما علشان ما تخسرش الاشتراك بتاعك.

  • استاذن قبل ما تستخدم الجهاز الرياضى

الجيمات متاحه للجميع: بس كل الـbenches مشغولة والكل عايز يستخدم نفس الـdumbbells، لازم يا فورما تحافظ على أتيكيت، خصوصاً وقت الزحمة، لو انت لاقت bench فاضى بس فى حد واقف جنبه استاذنه قبل ما تستخدمه، خليك حضارى ورياضى يا فورما!

  • مش وقت الموبيل فى الجيم

ما تستخدمش الموبيل فى الجيم، لأن انت ممكن تعور نفسك او حد تانى وانت ماشى مش مركز انت ماشى فين بسبب الموبيل خصوصاً لما الجيم يكون زحمة، انت ممكن تخبط فى حد بيتمرن، او بيرفع weight او انت تخبط فى جهاز، استنى لحد ما تقف فى مكان وبص على الموبيل زى ما انت عايز، بس انت مش رايح الجيم علشان تبص على الموبيل انت رايح علشان تبقى فى الفورما يا فورما.


التعليقات

التعليقات

الصعود لأعلى