ما هو تدريب الـTabata ؟ - يلافورما
الرئيسية » تغذية » ما هو تدريب الـTabata ؟

ما هو تدريب الـTabata ؟

اى نوع تدريب هيساعدك على إنقاص وزنك ويزود من قوتك ويبنى عضلاتك ويحسن من لياقتك، وتدريب الـTabata هو تدريب الـHIIT ومدته 4 دقائق فقط، تم اكتشاف تدريب الـTabata عن طريق عالم يابانى اسمه الدكتور ازومى تاباتا (Izumi Tabata) من المعهد الوطنى للياقة والرياضة فى طوكيو.

تدريب الـTabata

نوع التدريب ده فعال جداً لأنه بيأثر اكتر على جهاز الهوائى واللاهوائى فى نفس الوقت، والتأثير ده بيساعدك على التخلص من الدهون الزائدة وفى نفس الوقت تبنى عضلات من غير دهون، انت ممكن تعمل تدريب الـTabata مع الـbarbells والـdumbells والـkettlebells او بستخدام وزن جسمك (bodyweight)، دلوقتى تقدر تحرق دهون اكتر واسرع مع تدريب الـHIIT Tabata، يلا بينا!!

برنامج الـTabata

مده تدريب الـTabata بتكون 4 دقائق فقط من HIIT، وشكل البرنامج بيكون كالأتى:

  • تدريب شديد لمده 20 ثانية

  • راحه لمده 10 ثوانى

  • خلص 8 مجموعات (sets)

اضغط على نفسك على قد ما تقدر لمده 20 ثانية وبعدين خد راحه لمد 10 ثوانى لحد ما تخلص 8 مجموعات (sets)، انت ممكن تعمل تمرينة الـsquats وتمرينة الـpushups وتمرينة الـrows إلخ، اى تمرين بينفع لو بيركز على كذا عضلة فى نفس الوقت، تدريب الـTabata كويس جداً وسريع لو انت عايز تحسن من سرعتك وتحملك، ممكن تدعم روتينك بالتدريب الـTabata.

نصائح لتدريب الـTabata

  • هات معك ساعة توقيت او موقّت علشان تعرف وقت التمرين ووقت الراحة.

  • لو انت لسه مبتدأ، قلل وقت التدريب لحد 15 ثانية وزود وقت الراحه لحد 15 ثانية اول كام اسبوع كده.

  • ما تروحش على التمرين التانى اللا لما تكون مخلص مجموعة (set) كامله من الـTabata لكل تمرين.


التعليقات

التعليقات

الصعود لأعلى