للفورم البنات: 7 أكلات صحية لزيادة الوزن - يلافورما
الرئيسية » تغذية » أكلات صحية » للفورم البنات: 7 أكلات صحية لزيادة الوزن

للفورم البنات: 7 أكلات صحية لزيادة الوزن

فى أكلات كتير مغذية، انتِ مش عارفها مع انها هتساعدك على زيادة الوزن بطريقة صحيحة، خلينا نتفق الأول، اهم حاجة انكِ تنسى خالص الأكلات السريعة والوجبات الغير صحية، لأنها مش كويسة لصحتك وممكن بعدين تخليك تعانى من إضطرابات التغذية، احسن طريقة تقدرى تزودى بيها وزنك هى انك تختارى الأكل الصحى، ممكن هتاخدي وقت اطول علشان تزودى وزنك بس مش هتضري جسمك على المدى البعيد (دى اهم حاجة)، كل اللى انت هتعمليه انك تدورى على اكل صحى والكالوريز بتاعته عالية فى نفس الوقت، يلافورما هتقولك على 7 أكلات صحية لزيادة الوزن.

  • سلمون

السلمون من اكتر الأكلات المغذية واللى هتساعدك كمان على زيادة الوزن بطريقة صحيحة، السلمون معروف انه للتخسيس، بس مناسب للفورم اللى مش بيأكلوا بروتين حيوانى، السلمون هيزود من وزنك وتبنى عضلات من غير دهن، لو انتِ كنتى بتعانى من إضطرابات التغذية، السلمون هيساعدك انك تظبطى مزاجك وبيحسن من وظيفة المخ، لانه بيحتوى على دهون اساسية وصحية، احنا بنقترح انك تأكلى سلمون حوالى 5 مرات فى الأسبوع، وانت هتلاقي الفرق فى احساسك وشكل جسمك.

  • بودرة بروتين خام

احسن بودرة بروتين مناسب ليكِ هى بودرة بروتين خام، اللى مش بتحتوى على اى إضافات ولا على نسبة عاليه من مقادير مصنعه ومعالجه ولا على سكر ولا حشوات ولا مثبتات، نوع البروتين ده هيساعدك انك تزودى وزنك، واحده من اسهل الطرق لزيادة الوزن بطريقة صحيحه ومن غير ما تزيد نسبة الدهون هى انك تضيفى معلقة كبيرة من بودرة بروتين نباتى خام فى السموزى، لما تعملى كده هيكون عندك عضلات من غير دهون وكمان هيظبط سكر الدم، احنا بننصحك انك تبعدى عن اى نوع بروتين مصنع ومعالج زى الـwhey والصويا وشوية انواع البروتين النباتى.

  • بطاطا حلوه

ناس كتير بتحب تاكل البطاطا، وكمان البطاطا ممكن تساعدك على زيادة الوزن، البطاطا مش بتعلى نسبة السكر فى الدم زى البطاطس البيضة، وكمان مختلفة فى تخزين الدهون، لأن البطاطا بتضيف كربوهيدرات صحية للدايت بتاعك، وكمان هتساعدك على تظبيط تناول المغذيات الكلية، بالتالى تقدرى تزودى من وزنك، احنا بنقترح انك تأكلى البطاطا الحلوه حوالى 4 لـ5 مرات فى الأسبوع.


التعليقات

التعليقات

الصعود لأعلى