للبنات: أفضل الطرق للحفاظ على صحة البشرة فى رمضان ! - يلافورما
Home » رمضان والفورما » للبنات: أفضل الطرق للحفاظ على صحة البشرة فى رمضان !

للبنات: أفضل الطرق للحفاظ على صحة البشرة فى رمضان !

للبنات: أفضل الطرق للحفاظ على صحة البشرة فى رمضان !

للبنات: أفضل الطرق للحفاظ على صحة البشرة فى رمضان بالأكل الصحي!

  • فيتامين A: واحد من اهم الفيتامينات اللى كويسة لصحة الجلد، فيتامين A بيمنع جفاف وتقشف الجلد كمان بيخلى الجلد ناعم ويمده بالحيوية، الأكل الغنى بفيتامين A زى الجزر والمشمش والسبانخ والخضروات الورقية، علشان كده اشربى عصير جزر على الأقل مرة واحده فى الأسبوع، ممكن تحطيه على السلطة فى الفطار، أكل تانى غنى بفيتامين A زى السبانخ والملوخية والتبولة وسلطة جرجير.

  • فيتامين B: نقص الفيتامين ده ممكن يخلى الجلد جاف، ويظهر التجاعيد بدرى ويكون شكل وشك كبير فى السن، بتلاقى مصدر فيتامين B المفيد جداً فى اللحمة والبقوليات والحبوب الكاملة، علشان كده خلى الدايت بتاعك يحتوى على لحمة خالية من الدهون وفراخ مشوية وسمك فى طبقك الرئيسى لأنهم احسن المصادر لفيتامين B، استفيدي من الحبوب الكاملة وكُليها بدل العيش الأبيض، اوعى تنسي شوربة العدس وطبق الفاصوليا على الفطار.

  • فيتامين E: بردو من الفيتامينات المهمه اللى بتساعد على تقليل التجاعيد وكمان بيساعد على تجديد الخلايا، بتلاقى فيتامين E فى المكسرات والزيوت النباتية اللى احنا بنأكلها فى رمضان.

  • فيتامين C: فيتامين مهم لأنه بيساعد على نضارة البشرة، بتحصلى على فيتامين C فى عصير البرتقال او الفراولة او الشمام.

  • المواد المضادة للأكسدة: الى جانب المواد المضادة للأكسدة اللى جبنهالك انهاردة زى فيتامين A وC وE، كمان السيلينيوم والزنك من العناصر المضادة للأكسدة اللى بتلعب دور مهم فى حماية خلايا البشرة من التلف والتعب وبكده تساعدك على الحفاظ على بشرة صحية، بتلاقى السيلينيوم والزنك فى اللحوم والمأكولات البحرية، علشان كده كُلى جمبري (مشوى) من وقت لأخر.

  • أوميجا 3 الأحماض الدهنية: أوميجا 3 من الدهون الصحية وليها دور مهم فى الحفاظ على جلدك وبيمده بالحيوية، كمان هى مهمة واساسية للجسم علشان الجسم مش بينتجها ولازم تحصلي عليها من الأكل خصوصاً الأسماك، علشان كده حاولى تأكلِي سمك مرتين فى الأسبوع على الفطار، وياريت تشويه بدل ما تقليه.

  • اوعى تنسى المية: مهم اوى انك تشربى مية كتير، لأنها بتمنع الجسم والجلد من الجفاف خصوصاً فى رمضان، المية كمان بتحافظ على نضارة البشرة وبتحميكى من ظهور التجاعيد، اشربى مية على قد ما تقدرى على الأقل 8 كوبايات بين الفطار والسحور.


التعليقات

التعليقات

Scroll to top