فى 5 طرق ممكن تخلى الـReverse دايت ينقلك للمستوى تانى - يلافورما
الرئيسية » تغذية » إنقاص الوزن » فى 5 طرق ممكن تخلى الـReverse دايت ينقلك للمستوى تانى

فى 5 طرق ممكن تخلى الـReverse دايت ينقلك للمستوى تانى

فى 5 طرق ممكن تخلى الـReverse دايت ينقلك للمستوى تانى

حَسن من معدل حرقك للدهون وخليك رشيق وكبر دماغك من مشكلة الأكل.

  • حَسن من معدل حرقك للدهون:

معدل حرقك للدهون بينخفض، لما تنقص الكالوريز بتاعتك لفترة طويلة، لو انت بعد الدايت على طول رجعت لمستوى الكالوريز قبل الدايت، الدهون هترجع تانى لجسمك، والموضوع ده اسمه "يويو دايت"، لما تعمل كده انت بتدمر معدل حرقك للدهون، اليويو دايت ممكن يعمل مشاكل بين مستوى الدهون فى جسمك ومعدل حرقك للدهون على المدى البعيد، بيعمل ايه الدايت ده بيخلى مستوى دهون جسمك اعلى ومعدل حرقك للدهون منخفض، واحنا عايزين العكس: عايزين مستوى دهون الجسم منخفضه ومعدل حرق الدهون عالى، واللى بيساعد على الموضوع ده هو الـReverse دايت، الدايت ده بيخليك تزود الكالوريز تانى ببطء وتحدد شوية شوية أقصى نسبة للكالوريز وبكده يدى فرصه لجسمك انه يرجع تانى لطيبعته من ضغط الدايت.

  • خلى عضلاتك مشدودة وجسمك رشيق طول السنة:

أول لما تبدأ تزود الكالوريز ببطء فى الدايت بتاعك، انت بتسمح لمعدل حرقك للدهون بأنه يؤدي وظيفته كاملة، لما يبقى معدل حرقك للدهون 100% انت هتحرق كالوريز بفاعلية أكتر، بدل ما تتحول من الرُفع الى التخن خلى التحول يكون ببطء علشان تحصل على عضلات مشدودة وجسم رشيق، اول ما معدل حرقك للدهون يرجع 100% ممكن تلاقى نفسك فى الفورما اكتر ما كنت وانت بتعمل الدايت.

  • استهلك كالوريز اكتر:

الـReverse دايت الصح ممكن يساعدك انك تحدد معدل حرقك للدهون اكتر مع تحديد للكالوريز، بمعنى وانت لسه تخين كنت بتستهلك 3,500 كالوريز وبعدين قللت الأستهلاك لـ2,500 كالوريز، بعد ما انقصت وزنك، لو انت رجعت تانى ببطء لاستهلاك 3,500 كالوريز (بنفس المده اللى انت قضتها فى الدايت)، هتكون رشيق ومعدل حرقك للدهون فعال، ممكن بعدين تبدأ ببطء تضغط على معدل حرقك للدهون بأنك تزود من الكالوريز، لو انت تَبعت قوامك ومسبتش نفسك تتخن، انت ممكن تستهلك كالوريز اكتر وفى نفس الوقت تحافظ على قوام رشيق.

  • كبر دماغك من مشكلة الأكل:

انت ممكن توصل فى اى دايت انت بتتبعه انك تعد الساعات والثوانى علشان تأكل وجبتك التانية، بس فى الـreverse دايت بيديك فرصه انك تريح بالك، لما تستهلك كالوريز اكتر حتساعدك انك ما تجوعش، لما يكون فى قيود شديدة على كمية الكالوريز بيسبب جوع والجوع بيخليك تأكل اكتر، افتكر دايماً ان انت بتأكل علشان تحصل على طاقة، كمان انت لازم تبطل تكافء نفسك بالأكل، لو انت بتتبع دايت سوبر للتخسيس، انت مش محتاج يوم فرى، انت محتاج تتبع الـReverse دايت علشان تحافظ على عضلاتك المشدودة وجسمك الممشوق اللى اخدت اكتر من يوم علشان تحصل عليها.


التعليقات

التعليقات

الصعود لأعلى