فوائد البروتين في بناء العضلات - يلافورما
الرئيسية » تغذية » فوائد البروتين في بناء العضلات

فوائد البروتين في بناء العضلات

فوائد البروتين في بناء العضلات

البروتين معروف جدا انه عامل مهم فى بناء الكتلة العضلية  وتزويد وزن الجسم بشكل صحي لا وكمان بيشد عضلاتك زى ابطال كمال الأجسام، علشان كده لازم تضيف بروتين فى وجبتك اليومية وكمان فى ايام التمرين، علشان تبنى عضلات وتقلل الدهون، فلازم تاكل بروتين وخضروات وفواكه وكربوهيدرات ودهون صحية منوعة، علشان كده  احنا جبنالك نصائح غذائية، وكمان ازاى تاكل بروتين يومياً من غير ما تدفع فلوس كتير.

ياريت تمشى على مجموعة النصائح الغذائية دي:

بروتين وخضروات وفواكه ودهون، كل 3 ساعات مع 2 كوبايه ميه بعد كل وجبة، الكربوهيدرات تكون بعد التمرين بس، اتبع التعليمات دى وانت هتحصل على عضلات بارزة اكتر وتقلل الدهون كمان في نفس الوقت.

اللحم الأحمر

ممكن تشترى اى نوع من اللحم الأحمر أو اللحم البقرى اثناء موسم تخفيض اسعار السلع – او من الجمعية الاستهلاكية، علشان يكون عندك خزين فى البيت تقدر تاكل منه يومياً، لازم تقطع اللحمه لأجزاء وتحطها فى الفريزير، اللحمه الحمراء بتحتوى على بروتين وفيتامين B12  وحديد وزنك وكرياتين وكارنوزين وكمان أوميجا 3.

فوائد البروتين في بناء العضلات

ديك رومى وفراخ

اللحمه البيضة زى صدر الديك الرومى والفراخ، بيمدوك بكميه كبيره من البروتين وكمية قليلة من الكالوريز.

سلمون وتونة

واحد من أهم المصادر للحصول على أوميجا 3 احماض دهنية، هتحصل على 20 جرام بروتين مع كل حصه ( 100 جرام).

الدهون

لازم تضيف فى الدايت اليومى أكل بيحتوى على دهون غير مشبعة متعددة أو احادية، بتحتوى الجبنة والمكسرات والبيض على بروتين عالى، وكمان بتحتوى على دهون صحية زى أوميجا 3، ممكن تاكلهم كسناك وكمان يقلل من احتياجك من الكربوهيدرات، ممكن تاكل سناكس زى بيض مسلوق أو مكسرات مشكله (لوز وفستق وجوز البندق والكاجو) او جبنة قريش وجبنة بيضه زى موتزاريلا.

لبن وزبادى ولبن فول الصويا

ده هيساعد فى استرجاع نشاطك وتحسين الهرمونات البنائية، ضيف لبن خالى او قليل الدسم فى مشروب البروتين، بكده تقدر تحصل على بروتين كافى بكالوريز قليله كمان.

فوائد البروتين في بناء العضلات

بيض كامل

البيض غنى بالبروتين وفيتامين A وD وE والكوليسترول اللى فيه صحى وكمان رخيص، لو أنت عندك كوليسترول، حاول تقلل من الدهون اللى فى جسمك بدل ما ترمى صفار البيض، لأنه مفيد جداً.

زيت السمك

أنت محتاج 900 ملى جرام يومياً من زيت السمك، تقدر تاخده من الأسماك الدهنية أو تاخده عن طريق supplements، زيت السمك بيقلل من إلتهاب (المفاصل/الجلد) وبيقلل كمان من دهون الجسم.

زيت الزيتون البكر

زيت الزيتون بيحتوى على 70% من دهون احادية غير مشبعة، اللى بتحميك من أمراض القلب والسرطان، ضيف منه 1-2 معلقة صغيرة على السلطة.

بذور الكتان

فهو مصدر للألياف والبروتين وأوميجا 3، اطحن بذور الكتان علشان تحصل على القيمة الغذائية، خد 1 معلقة صغيرة مع الزبادى والتوت قبل النوم.

الفول والبسلة

الفول والبسلة هم بيحتوا على بروتين طبيعى وصحى، علشان هما بيحتوا على 0 كوليسترول وفيه دهون قليلة، أنواع فول كويسة زى فاصوليا سوداء وفاصوليا بيضه والفاصوليا الحمرا وفول الصويا.


التعليقات

التعليقات

الصعود لأعلى