عندك مرض السكر وبتعانى من السمنة كمان! - يلافورما
الرئيسية » تغذية » إنقاص الوزن » عندك مرض السكر وبتعانى من السمنة كمان!

عندك مرض السكر وبتعانى من السمنة كمان!

عندك مرض السكر وبتعانى من السمنة كمان!

لو أنت عندك مرض السكر وبتعانى من السمنة

علاج السمنة هيقلل من ارتفاع سكر الدم ويحسن من صحتك ويحسن من نفسيتك، بس لازم تتابع مع الدكتور بتاعك،عشان وأنت بتخس لازم تتابع مستوى سكر الدم والأنسولين والأدوية اللى انت بتخدها، فوائد التخسيس:

  • بيقلل من سكر الدم

  • بيقلل من ضغط الدم

  • بيحسن الكولسترول

  • بيقلل الضغط على عضلة رجلك الامامية وركبك وكعبك ورجليك

  • بيحسن من النفسية

مافيش ضرر على مرضى السكر، لما ينقصوا 500 كالوريز فى اليوم، لما تختار تنقص كالوريز نقص من: البروتين والكربوهيدرات والدهون، اظهرت الدراسات إن الشخص المفروض ياخد:

  • 45% - 55% كربوهيدرات

  • 25% - 35% دهون

  • 10% - 35% بروتين

كل كربوهيدرات اللى بتحتوى على ألياف (زى عيش الحبوب الكاملة والخضروات) احسن بكتير من أكل كربوهيدرات مسكرة ونشوية، لأنهم بيمتصوا ببطء اكتر فى مجرى الدم.

اتمرن علشان مرض السكرى والتخسيس

فائدة من فوائد التمرين أنها بتحافظ على مستوى سكر الدم، ممكن كمان على الأقل تعمل تمرين الـ strength مريتين فى الأسبوع، ممكن تستخدم weight machines فى الجيم أو بعض التمرينات زى دول فى البيت: تمرينة الـlunges والـsquats والـpush-ups، تمرين aerobic زى: الجرى أو تدريب الـtreadmill ممكن ينزلوا سكر الدم بسرعة.

التمرينات الرياضية بتحرق سكر الدم والسكر المخزون فى عضلاتك وفى الكبد، لو أنت بتستخدم انسولين أو انواع ادوية سكر تانية، لازم تخلى بالك من مستوى سكر دمك لما تبدأ التمرين، بعد فترة لما تنتظم فى التمارين وتتابع مع الدكتور، ممكن بعدين تقلل من جرعة الأنسولين أو الأدوية،

لما تتمرن تمارين شديدة لمده طويلة ممكن يأثر على مستوى سكر الدم بعد ساعات كتير من التمرين، يستحسن إن يكون معاك سناكس زى فاكهه أو بسكويت أو عصير أو صودا فى العربية.


التعليقات

التعليقات

الصعود لأعلى