طرق للتخسيس ولتزويد معدل حرق الدهون - يلافورما
الرئيسية » تغذية » إنقاص الوزن » طرق للتخسيس ولتزويد معدل حرق الدهون

طرق للتخسيس ولتزويد معدل حرق الدهون

طرق للتخسيس  ولتزويد معدل حرق الدهون

كتير مننا بيعانى من قله نسبة احتراق الدهون المعروفه "بمعدل حرق الدهون"، يقول هالى بارتون (Haley Barton) اخصائى تغذية فى Nutrition Savvy من Vancouver B.C بيقول  "إن معدل الحرق متوقف على عوامل عديدة منها الجينات، والنوع، والسن، ومستوى الهرمونات، وحجم وتكوينة الجسم، ومستويات النشاط، والعامل الوحيد اللى تقدر تسيطر عليه هو مستوى نشاطك."

طرق للتخسيس  ولتزويد معدل حرق الدهون

هنا بعض الطرق الطبيعية اللى بتزود بسهولة معدل حرق الدهون:

  • كل وجبه فطار كويسة علشان تزود معدل حرقك وتتخلص من الدهون.
  • كل 4 - 5 وجبات أو سناكس فى اليوم علشان تساعد معدل الحرق طول اليوم.
  • أوعى تجوّع نفسك وتأكد من استهلاكك 1,200 كالوريز فى اليوم للبنات وللشباب  1,500 كالوريز علشان يوازى معدل الحرق.
  • كل أكل غنى بالحديد لأنه بيساعد على نقل الأوكسجين للخلايا، ونقص الحديد بيضعف معدل الحرق بتاعك.
  • كل أكل بيحتوى على كالسيوم، وفيتامين C وزنك بيقوى سرعة الحرق.
  • أشرب فنجان قهوه فى اليوم علشان الكافيين بيزود معدل الحرق لأنه بيقوى جهازك العصبى.
  • أشرب شاى أخضر علشان فيه مضادات أكسدة أسمها كاتيكين، وده بينزل الوزن وبيحمى من السرطان.
  • كل بروتين زى السمك - لحوم - بيض، وبروتين نباتى زى الفول - فول الصويا ودول هيزودوا معدل حرقك لساعات طويله بعد الأكل.
  • احصل على فيتامين D من تعرضك للشمس  أو ’كل السلمون علشان نقص فيتامين D بيعمل تراكمات دهنية.
  • نام كفاية علشان قله النوم بتقلل معدل الحرق، وبتفتح النفس وده هيخليك تسمن ويزيد وزنك.
  • أعمل تمارين يا فورما لمدة 30 دقيقة يومياً علشان تزود معدل حرق الدهون.
  • أبعد عن الضغوط والقلق.

طرق للتخسيس  ولتزويد معدل حرق الدهون

نرجو أن النصايح البسيطة دى تساعدك على تزويد معدل حرقك للدهون علشان تتخلص من السمنة.


التعليقات

التعليقات

الصعود لأعلى