سناكس صحيه في الدايت - يلافورما
الرئيسية » تغذية » إنقاص الوزن » سناكس صحيه في الدايت

سناكس صحيه في الدايت

سناكس صحيه في الدايت

اللى بتاكله  بين الواجبات مهم اكتر مما تتصور، الاختيارات دى هتزود معدل حرق الدهون وتساعد على الخسسان، بتقول الدراسات إن عادتنا فى اكل السناكس بيضيف كالوريز كتيره وقليل جداً من التغذيه في الدايت بتاعنا، السناكس بتحافظ على مستوى الطاقه وبتمدك بفرص كتيره لتحصل على كل احتيجاتك الغذائيه، لو أكلت  العدد الصح من الكالوريز، بروتين (زائد التمارين) حتزود الكتله العضليه من غير دهون، اللى بتزود معدل حرق الدهون وبتنشط احتراق السعرات الحراريه، الألياف بتساعد على تحسين الهضم وتبعدك عن اكل الكتير من الدهون والسكريات.

سناكس صحيه في الدايت

1. التفاح و اللبن خالى الدسم

حاول  تاكل فاكهه مع بروتين علشان تشبع، والبروتين هيحافظ على طاقتك وميخلكش تجوع لمده ساعتين، كل تفاحه كبيره مع كوب لبن خالى الدسم، وده هيديك 10 جرام بروتين و5 جرام ألياف ب200 كالوريز بس.

2. تونه على عيش قمح كامل

علبه التونه مصدر رائع للبروتين خالى من الدهون، زائد أوميجابحوالى 200 كالوريز تقدر تتمتع ب13 أونس من لايت تونه وعيش قمح كامل، وده هيديك 3 جرام ألياف و 20 جرام من البروتين.

3. توت اسموزى

السناك دى مليانه بروتين وزبادى خالى الدسم، بيحتوى على 9 جرام من البروتين، وممكن تحط توت مجمد علشان تضيف 4 جرام ألياف، والعسل للتحليه، وكل ده ب139 كالوريز.

4. سلطه الزبادى بتوم و الأعشاب

السناك دى بتمدك 160 كالوريز بس، وتقدم على أنها كوبايه من الزبادى الساده خالى الدسم مع توم مفروم وأعشاب وملح وفلفل أسود وعصير ليمون، تقدر تاكل مع السلطه دى بطاطس شيبسى مشويه.

سناكس صحيه في الدايت

5. الفيشار

الفيشار ممكن يكون اختيار كويس كسناك، لأن الكالوريز بتاعته قليله، وهيشبعك لساعات كتيره كمان، الفيشار بيحتوى على طاقه وكالوريز قليله، مجرد 90 سعر لتلاته اكواب ويحسسك بالشبع، رش يا فورما شويه فلفل أحمر أو أسود علشان يقلل جوعك.

6. السلطه الخضره

ممكن  تاكل بوله سلطه خضره بين الوجبات علشان تحس بالشبع ومتجوعش قبل الوجبه التانيه، السلطه الخضره بتتكون من طماطم، خس، جزر، فلفل ألوان، بصل و كرفس مقطع، وتبلها بعصير ليمون وملح وفلفل أسود وخل ومعلقه صغيره من زيت الزيتون.


التعليقات

التعليقات

الصعود لأعلى