دليلك للتدريب فى البيت يا فورما!! - يلافورما
الرئيسية » تمارين لياقة » دليلك للتدريب فى البيت يا فورما!!

دليلك للتدريب فى البيت يا فورما!!

دليلك للتدريب فى البيت يا فورما!!

علشان تتمرن فى البيت لازم تشوف المكان فى الحقيقة وفى خيالك وإزاي تستعد ذهنياً، التدريب سهل، لو أنت خصصت وقت علشان تتمرن حتلاقى نتيجة التمرين، معظمنا عنده مشكلة انه يواظب على التمرين بعد فترة، علشان كده يلا فورما جابت دليلك للتدريب فى البيت :

 
  • المكان:
 

معظم الناس بيعملوا اشتراك للجيم، علشان يواظبوا على الرياضة، علشان تكون مستعد للتمرين لازم تبعد عن اى حاجة بتشغلك عن التمرين وتركز على التمرين بس، علشان كده الأولوية الأولى لو أنت عايز تتمرن فى البيت أنك تخصص مكان للتدريب بس زى الجيم.

  • خصص مكان معين تقدر تحط فيه كل أجهزتك الرياضية (لو عندك)، المكان لازم يكون مخصص للرياضة بس ويكون جاهز للتمرين.
  • اختار مكان بتعدى عليه كتير بس مش بتعمل فية حاجة (زى ألعاب الفيديو أو بتتفرج على التليفزيون) لأن ده حيأثر على تدريبك لو جمعت بين الرفاهية والرياضة وممكن ماتستمتعش بالتدريب.

الناس اللى بتركز جامد على الجيم المنزلى وبعدين ما بيتمرنوش علشان مش مخلين الجيم متاح ليهم، فلو أنت عايز تخلى التدريب له أولوية فى حياتك، خلى جيمك المنزلى فى مكان تقدر تشوفة دايماً وأنت فى البيت، غير كده يكون على رائ المثل البعيد عن العين بعيد عن القلب.

 
  • حضر كل حاجة مقدماً
 

صعب قوى يا فورما أنك تتمرن من غير ما تكون محضر الحاجات اللى أنت حتحتاجها، علشان كده سهل على نفسك وخلى كل حاجة جاهزة للتمرين:

  • حضر لبسك الرياضى
  • يكون معاك الـMp3 player
  • ومعاك مية.

 

   
  • التخطيط:
 

ما ينفعش تحدد ميعاد للتمرين وبعدين تشوف حتتمرن ايه، مهم قوى ان يكون عندك فكرة واضحه عن الخطة التنفذية بتاعتك، المفروض الخطه تحتوى على:

  • امتى التمرين حيخلص
  • التمرين حياخد وقت اد ايه
  • جدولك يسمح بالوقت ده للتمرين ولا لأ
  • خلى الخطه معقولة علشان بتقعدش تأجل التمرين كل شوية.
  • اتأكد أن البرنامج اللى أنت حتتبعه مناسب لمستواك وتقدر تواظب علية.
  • خلي الخطه سهله أنك تواظب عليها
  • لو أنت شارى DVD اتأكد أنه متحضر ادامك.

 

 
  • الأستسمار الصحيح:
 

فى أول الطريق حاول يا فورما ما تصرفش كتير، المفروض انك تركز اكتر انك تحصل على الحافز والالهام من الناس التانية، لما تصرف كتير على الأجهزة الرياضية، حتشغلك وتكون العائق بينك وبين الرياضة، معظمنا بيفكر أن احنا محتاجين حاجة علشان نبدأ بيها بس ده مش صح، كل اللى أحنا محتاجينوا هو اننا نبتدى، قبل ما ترمى فلوسك على الاجهزة ممكن تعمل ده:

  • ممكن تستلفها من صاحبك الأول،
  • جربها فى مكان تانى
  • جربها فى المحل
  • أو اشترك لمده يوم فى الجيم وجرب الأجهزة هناك قبل ما تشتريها.

الرياضة فى المخ يا فورما، علشان كده أول ما تبتدى الروتين وتخلى الرياضة جزء من اللايف استايل بتاعك، حتلاقى الموضوع بقى اسهل واسهل انك تلاقى الوقت والحافز علشان تتمرن.


التعليقات

التعليقات

الصعود لأعلى