دليلك الشامل للأكل الصحى يا فورما!! - يلافورما
Home » تمارين لياقة » فيت لايف » دليلك الشامل للأكل الصحى يا فورما!!

دليلك الشامل للأكل الصحى يا فورما!!

كلنا عايزين دليل شامل للأكل الصحى علشان نغير من عادات أكلنا الخاطئة وفى نفس الوقت منضيعش فلوسنا عالفاضي، لما يجى الموضوع للاكل انت اكيد محتاج تعرف ايه نوع الاكل اللي ممكن نلاقيه فى اى سوبر ماركت، ويكون طعمه وسعره معقول وفى النفس الوقت صحى.

دليلك الشامل للأكل الصحى

  • كُل فطار غنى بالبروتين

اللى انت محتاجه فى بداية يومك هو أكل غنى بالبروتين، البروتين جزيئات مركبة وبتتكسر ببطء اثناء تنفس الخلية (الطاقة اللى بتخلينا على قيد الحياة)، والبروتين كمان بيخليك شبعان لفترة طويلة ويمدك بالطاقة وفى نفس الوقت بيخلى مستوى سكر الدم منخفض، لو انت جمعت بين أكل غنى بالبروتين مع شوية كربوهيدرات مركبة، بكده انت مديت جسمك بالطاقة اللى حيحتاجها طول اليوم.

أفكار للفطار:

  • شوفان مع مكسرات

  • سموزى بالسبانخ والموز

  • بروتين بار معمولة فى البيت

  • بيض

  • زبادى قليل الدسم (مش خالى الدسم) مع العسل.

  • حضر غداءك بطريقة صحية يا فورما

احنا بنأكل الوجبات السريعة علشان سهلة وسريعة، لو خليت الوجبات الصحية سهلة وسريعة زى الوجبات السريعه حتأكل اكل صحى اكتر وبسهوله، لو انت حضرت غداءك واخته معاك الشغل مش حتطر انك تروح وتشترى وجبات سريعه، لو عندك تلاجة فى الشغل ممكن تحضر غداءك فى طبر وير وتأخده، السندويتشات مش حاجة مضرة خصوصاً لو انت عملتها بنفسك واضفت عليها خضروات طازة زى الخس والطماطم.

أفكــار للغــداء

  • ديك رومى او فراخ + خضروات فى ساندويتش.

  • باستا مع خضروات

  • سلطة سيزر خفيفة من غير مايونيز

  • ساندويتشات تونة او سلمون مدخن

  • بطاطا حلوة مع جبنة قريش وبروكلى

  • خضروات مشكلة مع اللحمه.

  • خلى عشاءك صحى بالخضروات

احنا مش بنتحرك كتير بالليل زى معدل حرق الدهون بيبطء بالليل، علشان كده احنا مش محتاجين كالوريز زيادة بعد غروب الشمس، للأسف، بالليل احنا إما بنأكل كتير إما بنختار اكل سريع ولذيذ زى البيتزا، حاجة مش وحشة انك تأكل وجبات سريعة بس المهم تكون على فترات مش كل يوم لأنهم مش حيساعدوك انك تخس وتكون رشيق، فلو انت جعت بالليل ممكن:

  • تأكل وجبة كبيرة بس خلى 60-70% من الطبق مليان بالخضروات.

  • اعمل طبق سلطة كبير وكٌل معها لحمه من غير دهون.

الكربوهيدرات مضرة ومش فى صالحك بالليل، أما البروتين بيتكسر ويتحول الى أمينو اسِد اللى بيغذي (العضلات) والزيادة بيتحول الى جلوكوز ويتحلل الجلوكوز عن طريق الحركة، معظم الخضروات الأساسية زى الطماطم والخيار والفلفل والخس واللوبيا سهلين انك تلاقيهم وسعرهم كويس.

أفكار للعشـــاء:

  • طبق سلطة خس كبير مع فراخ مشوية

  • باذنجان مع طماطم فى الفرن

  • لحمه مشوية مع طماطم مقطعه

  • كرات اللحم المفرومه مع مشروم ولوبيا

  • فلفل محشى لحمه مفرومه

  • سمك مع بروكلى فى الفرن.

نصيحه عامة: اشترى شوية لحمه او سمك، يفضل انها تكون من غير دهن او على الأقل يكون دهنه واضح فتشيله، ممكن تشوية او تحطه فى الفرن وتضيف شوية خضروات على الجنب بالكمية اللى انت عايزها.

1 2 3Next

التعليقات

التعليقات

Scroll to top