دايت مصمم خصيصاً للبنات - كُلى كويس علشان تحسنى من رشاقتك! - يلافورما
الرئيسية » تغذية » إنقاص الوزن » دايت مصمم خصيصاً للبنات – كُلى كويس علشان تحسنى من رشاقتك!

دايت مصمم خصيصاً للبنات – كُلى كويس علشان تحسنى من رشاقتك!

دايت مصمم خصيصاً للبنات – كُلى كويس علشان تحسنى من رشاقتك!

الدايت الصحى هيمدك بالطاقة وهيحسن مزاجك ويحافظ على وزنك ويخلى شكل جسمك رشيق، كمان هيدعمك اثناء مراحل حياتك المختلفة، الأكل الصحى حيساعد على تقليل الفترة المتلازمة السابقة للحيض (PMS) وبينشط الخصوبة وبيحارب الأجهاد وبيخلى الحمل والرضاعة اسهل ويخفف من اعراض انقطاع الحيض، مهما كان عمرك، انك توظبى على الدايت الصحى هيساعدك على تحسين رشاقتك ومزاجك، وتقدرى تحققى إلتزاماتك وتستمتعى بحياتك.

نصايح يلا فورما للتغذية الصحية للبنات بجميع الأعمار:

التغذية الصحية بتبدأ بالأساسيات: الدايت الصحى بيحتوى على حبوب كاملة وفاكهه وخضروات فريش ودهون صحية ومصادر بروتين من غير دهون، انواع الأكل دى بتمد البنات بطاقة هائلة قدرة تحكم بوزنك مدى الحياه وهو كمان السر علشان يكون شكلك واحساسك رائع فى اى سن.

أحسن نصائح الدايت والتغذية للبنات:

  • ركزى على الأكل الصحيح والنباتى: املى معظم طبقك بالفاكهه وورق الخضار الأخضر، كمان خلى الدايت يشمل انواع مختلفة من الحبوب الكاملة والفول وانواع بقوليات تانية علشان تمد جسمك بالألياف وتقدرى تكملى يومك، حاولى تدورى على قد ما تقدرى على اكل نسبة المعالجه فيه قليله او مزروع محلى وخلى الأكل ده هو الأساس فى الدايت بتاعك.

  • غذى عظامك بالكالسيوم: البنات بيكونوا عرضه اكتر للأصابة بتخلخل العظام من الشباب، علشان كده مهم أوى أنكِ تحصلى على كالسيوم كتير علشان تحافظى على صحه عظامك، برغم من ان منتاجات الألبان غنية بالكالسيوم الا ان الدهون الحيوانية والبروتين اللى موجود فيها ممكن يزود من تكسير العظام، كمان حطى فى الأعتبار عنصر الكالسيوم النباتى زى الفول والبروكلى واللفت والبروكسيل والكرنب.

  • أتأكدى انكِ بتحصلى على حديد كفاية: كتير من البنات مش بتحصل على نسبة حديد كفاية فى الدايت بتاعهم، كمان البنات بتخسر نسبة كبيرة من الحديد (اهم عنصر) اثناء الحيض، علشان كده زودى من نسبة الحديد عن طريق أكل أكلات غنيه بالحديد زى اللحمه الحمراء من غير دهون والدواجن الداكنة والعدس والسبانخ واللوز والكورن فليكس غنى بالحديد.

  • قللى من شرب الكافيين: البنات اللى بتشرب كمية كبيرة من الكافيين، الكافيين ده بيأثر على مستويات الهرمونية وكمان بيزود من انقاص عنصر الكالسيوم فى الجسم، كمان الكافيين ممكن يخلى المتلازمة السابقة للحيض (PMS) و اعراض انقطاع الحيض اسوأ وكمان بتؤثر سلبا على الخصوبة، علشان كده حاولى تقليلى من استهلاك الكافيين وتخلى كوباية واحده فى اليوم.

  • قللى من السكريات المضافة: السكريات اللى مش موجوده طبيعياً فى الأكل مش بتحتوى على عناصر غذائية بس بتزود الكالوريز فى الدايت بتاعك، السكريات الطبيعية موجودة فى منتاجات زى اللبن (لاكتوز) والفاكهه (فركتوز)، اما السكريات المضافة ممكن تكون مختفية فى لسته المقادير دى زى رحيق الصبار الأمريكي وبلورات القصب وذرة التحلية وبلورات الفركتوز وسكر العنب وعصير قصب متبخر وشربات ذرة عالى الفركتوز وسكر محول والملتوز وشربات الشعير إلخ.


التعليقات

التعليقات

الصعود لأعلى