خطوات عشان تبتدى دايت صح - يلافورما
Home » تغذية » إنقاص الوزن » خطوات عشان تبتدى دايت صح

خطوات عشان تبتدى دايت صح

كتير مننا عايز يخس بسرعة، بس الخسسان السريع ممكن يكون مضر جداً، وبيعمل لخبطة صحية، بس لو أنت  بتتمتع بصحه كويسه وعايز تخس كذا كيلو بسرعة، فى بعض الطرق ونصايح ممكن تتبعها علشان تساعدك توصل لهدفك بسرعة.

 

  1. الدايت الكيميائى

هدف الدايت الكيميائى أنه يخسسك بسرعة، والدايت ده بينفع كحل فى الاوقات الضيقة بس، لأنه ممكن يسبب مشاكل خطيرة لصحتك، لازم ترجع للدكتور قبل ما تبتدى فى الدايت ده، علشان تتأكد أنه مناسب لجسمك أو لأ، فى أنواع كتيرة من الدايت ده زى:

دايت المياه: الدايت ده عايزك تشرب 8 كوبايات مية ساقعه يومياً فى فترات متساوية (كل ساعتين مثلاً)

  • أشرب كوباية مية قبل كل وجبة وقبل كل سناك علشان تقلل شهيتك وتحس بالشبع.
  • أوعى تبدل الوجبة بشرب المية.
  • خد قيتامينات متنوعة يومياً علشان تعوض فقد التغذية.

دايت العصير اللى معروف بدايت هوليوود: الدايت ده بيستمر لمده 1 - 3 أيام وهو عبارة عن أنك تشرب عصير فواكه أوخضروات:

  • أشرب عصير فواكه وخضروات فى الدايت ده .
  • التنويع اللى فى الدايت ده أنك تاخد  قيتامينات ومغذيات مع العصاير.
  • العصاير بتساعد جسمك على التخلص من السموم وتقلل كذا باوند من وزن المية من جسمك.

دايت شوربة الكرنب: الدايت ده  بيخليك تخس 10 باوند فى الأسبوع.

  • عليك تاكل دهون قليله ووجبه غنيه بالألياف.
  • الوجبة الأساسية هى وصفة خاصة من شوربة الكرنب، ومسموح لك باكل حصص من الفواكه والخضروات مع 4 كوبايات مية على الاقل، مع فيتامينات متنوعة يومياً.
  • الدايت ده بيستمر 7 أيام ومش مستحب أنه يكون حل للتخسيس على المدى الطويل.

دايت من غير ملح: الدايت ده بيخليك تفقد المية اللى فى جسمك بتقليل احتباس المية فى الجسم.

  • فى الدايت ده ممنوع تتناول أى املاح اللى منها ملح الطعام أو اللى فى الباكتات أو فى الأكل الجاهز.
  • تجنب الأكل فى المطاعم.
  • أشرب 2 لتر مية كل يوم.
  • الملح الغذائى مهم لسلامة الصحة، دايت من غير ملح مش لازم تستمر فية أكتر من أسبوع أو أسبوعين.

التعليقات

التعليقات

Scroll to top