خد طاقتك يا فورما من الخضروات - يلافورما
Home » تغذية » أكلات صحية » خد طاقتك يا فورما من الخضروات

خد طاقتك يا فورما من الخضروات

خد طاقتك يا فورما من الخضروات

اذا كنت عايز يا فورما تبقى قوى وتبنى عضلات، أحسن حاجة تاكل خضار لأنه حيديك الطاقة اللى أنت عايزها، "الخضار من أقوى المغذيات، علشان الكالوريز والكربوهيدرات والدهون والصوديوم بتاعتهم قليله، وكمان غنى بالألياف وفيتامينات ومعادن زى البوتاسيوم" هكذا قالت كونى كراولى Connie Crawley أخصائية تغذية M.S وR.D وL.D وأخصائية صحة فى جامعة جورجيا فى أتينا.

الخضار كمان مفيد جداً فى حماية الصحة من الأمراض زى مرض السكر وضغط الدم العالى وأمراض القلب ونوع معين من السرطان، الخضار نوعين يا فورما نشوى وغير نشوى، فالغير نشوى بيحتوى على كالوريز قليله وكربوهيدرات زى الفلفل والبروكلى والفول الحراتى والأوراق الخضرا، أما الخضار النشوى بيحتوى على كالوريز أكتر وكربوهيدرات زى الدرة والبسلة والبطاطس.

vegetables_1370980_nevit

حنقدملك خضار بيبنى العضلات من غير ما تاكل لحمه للفورم النباتين، بتحط صدور الفراخ واللحمة على جنب، طيب روح للخضرى وأشترى الخضار اللى حيديك طاقة وكمان يحافظ على صحتك، تقدر تاكل الخضروات دى فى وجباتك طول اليوم.

  • السبانخ

بتساعد على بناء العضلات وبتقوى البصر وبتظبط ضغط الدم وبتحمى الجلد ومفيدة للأعصاب، كل المميزات دى علشان السبانخ فيها بوتاسيوم ومنغنيز وزنك وحديد وكالسيوم وفيتامين K اللى مهم جداً لصحة العضم، ميزة السبانخ أنك يا فورما تقدر تكلها نية أو مطبوخة.

  • الخيار

مفيش حد ما بيحبش الخيار يا فورما ولاأيه؟ كل السلاطات لازم يكون فيها خيار علشان الخيار منتشر ورخيص فى نفس الوقت، ده فوائد الخيار كتيره: ده هايل لصحة الجلد (بيستخدم فى مسكات الوجه، بيحطوا الخيار على العيون المجهده علشان تقلل انتفاخ العين والهالات السوده) بيحتوى الخيار على فيتامين A ووحامض الفوليك والمغنسيوم وبوتاسيوم وغنى بالألياف.

هنا حبة خضروات وفواكه غنية بالفيتامينات والألياف:

الخضروات

  • بروكلى
  • سبانخ
  • جزر
  • خيار
  • بطاطس
  • بطاطا
  • طماطم
  • فلفل رومى

الفواكه

  • تفاح
  • كمترى
  • موز
  • خوخ
  • كيوى
  • توت زى التوت الأحمر والبرى والأسود
  • كانتلوب

*** علشان تحافظ على صحتك كل خضار وفاكهه طازة.

 

التعليقات

التعليقات

Scroll to top