حقائق متعرفهاش يا فورما عن المياة بالليمون. - يلافورما
الرئيسية » تغذية » أكلات صحية » حقائق متعرفهاش يا فورما عن المياة بالليمون.

حقائق متعرفهاش يا فورما عن المياة بالليمون.

حقائق متعرفهاش يا فورما عن المياة بالليمون.

شرب المية دافية بالليمون كل يوم حيفيد صحتك و وزنك يا فورما، أبدأ يومك كل يوم بكوباية مية دافية، لأنها حتساعد عملية الهضم طول النهار، معروفه فوايد الليمون من زمان، فهو بيحارب البكتريا و الفيروسات و بيقوى كمان جهاز المناعة، ده كمان كويس للتخسيس لأنه بيساعد الجهاز الهضمى و بينظف الكبد و ده مهم أوى علشان تنقص وزنك يا فورما، و هو بيحتوى على حامض الستريك و الكلسيوم و المغنسيوم و فيتامين C، و مركبات الفلافونويد الحيوي و البكتين و ليمونين و ده بيساعد على تقوية المناعة و بيحارب الأمراض.

لما تحضر كل يوم كوباية مية بالليمون، لازم تكون المية معدنية و دافية مش مغلية مع عصر نص لمونة فريش مش فى أذايز، أشربها على الريق.

Lemon Water Benefits

دلوقتى يا فورما حنقولك فوايد  شرب المية الدافية بالليمون كل يوم.

  1. بتقوى جهاز المناعة: علشان الليمون غنى بفيتامين C و ده بيحارب البرد و الأنفلونزا و كمان غنى بالبوتاسيوم ده بينشط المخ و الجهاز العصبى وبيظبت ضغط الدم.
  2. بينضف جسمك: عصير الليمون بيشيل كل حاجه مش عايزها الجسم و السموم كمان، لأن الليمون مدر للبول، و حامض الستريك ده بينشط وظيفة إنزيم الكبد.
  3. بيساعد على التخسيس: فالليمون بيزود طاقتك، لأنه غنى بألياف البكتين و ده بيحارب الجوع.
  4. بيديك طاقة: فعصير الليمون بيديك الطاقة اللى بيحتاجها الجسم لما تدخل فى المعده، ده كمان بيساعد على تقليل الأكتئاب و القلق.
  5. بينقى الدم:  الليمون  بيشفى أمراض زى الكوليرا و الملاريا، لأنه بينقى الدم.

 lemon-water

أوعوا يا فورم تنسوا تشربوا مية دافية بالليمون، علشان صحتكم.


التعليقات

التعليقات

الصعود لأعلى