تمرينات سهلة جداً - يلافورما
الرئيسية » تمارين لياقة » تمرينات سهلة جداً

تمرينات سهلة جداً

تمرينات سهلة جداً

تعرف يا فورما ان جسمك زى الألة بيتكيف على حسب الروتين والنظام الى هتعوده عليه.

تعرف كمان اللى بيحصل لما تقعد على كرسى لمده 8 ساعات يومياً ما بتعملش اى حاجة اكتر من تحريك الماوس:

  • عضلاتك بتبدأ تضعف،
  • ومعدل حرق الدهون بيقل،
  • ويبدأ جسمك بتخزين الكالوريز على شكل وزن زائد،
  • وتبتدي لياقتك وجهازالقلب والأوعية الدموية في التدهور.

لسه فى وقت ممكن تبتدى يا فورما دلوقتى، اتمرن طول اليوم شوية شوية، وهنا ازاى:

تمرينات رقمية

أكتب كل يوم الصبح عدد المرات (reps) لكام تمرين عايز تخلصهم على أخر اليوم. ممكن تقسم عدد المرات (reps) مع كل مره تاخد راحة وبعدين نقصوا من المجموع اللى أنت كتبته الصبح.

مثال:

  • قائمة تدريب الـStrength:

    • 200 مرة تمرينة الـsquats
    • 200 مرة تمرينة الـsit-ups
    • 50 مرة تمرينة الـpush-ups
  • قائمة تدريب الـCardio:

    • 400 مرة تمرينة الـhigh knees
    • 400 مرة تمرينة الـjumping jacks
    • 80 مرة تمرينة الـburpees
  • قائمة تدريب الـFighter:

    • 1000 مرة من الـpunches
    • 600 مرة من الـside kicks
    • 600 مرة من الـturning kicks

لما تتحسن، زود عدد المرات كل يوم شوية شوية.

اعمل drill واحد كل ساعة

  • تمرينة الـjumping jacks لمده دقيقة
  • 60 (30 كل رجل) مرة تمرينة الـhigh kness
  • 20 مرة تمرينة الـburpees
  • 40 مرة punches + تمرينة الـpush-up
  • 100 (50 كل رجل) تمرينة الـside leg raises

ممكن تشغل المنبة علشان يفكرك كل ساعة تعمل drill وبعدين ترجع تكمل اللى كنت بتعملة، بكده حتكون نشيط طول اليوم وتحافظ على صحتك.

أعمل تمرين واحد طول اليوم

اختار تمرين معين واعمله طول اليوم كل 90 دقيقة أو كل ساعة أو ساعتين.

على سبيل المثال ممكن تتمشى، أول حاجة نزل برنامج بيعد الخطوات زى برنامج Google Fit.

  • هدف 1: 2000 خطوة
  • هدف 2: 5000 خطوة
  • هدف 3: 7000 خطوة
  • هدف 4: 10,000 خطوة

متتحججش وتتلكك، ممكن تتمرن وأنت بتتفرج على التلفزيون

ممكن تعمل التمارين دى وأنت بتتفرج على التلفزيون:

  • تمرينة الـFlutter Kicks
  • تمرينة الـOverhead punches
  • ممكن ترفع رجلك من على الأرض لأطول مده تقدر عليها.
  • ممكن اثناء الاعلانات تعمل HIIT drills.

مش غاوى تلفزيون وبتتفرج على أفلام من اللاب توب، مش هتهرب من التمرين يا فورما، ممكن تعمل

  • 100 مرة تمرينة الـside leg raises أو تمرينة الـhalf jacks.

شوية شوية جسمك حيتعود على الحركة واللياقة وتحقق اهدافك.


التعليقات

التعليقات

الصعود لأعلى