تمارين مهمة يا فورما لتقوية العضلة الخلفية للرجل
الرئيسية » تمارين رياضية » نصائح وتمارين » عضلة الرجل » تمارين مهمة يا فورما لتقوية العضلة الخلفية للرجل

تمارين مهمة يا فورما لتقوية العضلة الخلفية للرجل

تمارين مهمة يا فورما لتقوية  العضلة الخلفية للرجل

العضلة الخلفية للرجل هي بالظبط زي عضلة التراي سيبس بالنسبة للذراع, يعني ماينفعش يكون عندك عضلة فخذ قوية يا فورما غير لما يكون عندك عضلية خلفية كويسة. عشان كده لما يكون عندك عضلة خلفية قوية لرجلك ده هيخليك تعمل تمارين اكتر و أقوي في الجيم. إحنا بنقدملك النهاردة تمارين مهمة عشان تبني عضلة خلفية كبيرة و يكون عندك رجل قوية.

تمرينة الرفعة المميتة الروماني Deadlift

Dead Lifts

التمرين ده من أفضل التمارين على الإطلاق لتكوين عضلات الرجل بشكل عام. كرر التمرين من 6-8 مرات بأوزان ثقيلة على قد ما تقدر عشان تحصل على العضلات اللي بتحلم بيها.

تمرينة رفع المؤخرة و الفخذ Glute Ham Raises

Glute Ham Raise

النوع ده من التمارين بيركز على قوة عضلات الفخذ و العضلات الخلفية بس هو صعب شوية. إفرد جسمك و إسند رجلك تحت وزن ثابت أو كابتن الجيم يساعدك و يثبت رجلك. شِد عضلات فخذك و بحركة بطيئة ميل لأمام ناحية الأرض لمدة من 5-8 ثواني كأنك بتعمل تمرينة الضغط يا فورما و رجع جسمك للخلف مرة تانية بمساعدة إيدك و خد راحة لثواني و كرر التمرينة  6 مرات كفاية.

تمرينة رفع الفخذ بإستخدام البار Barbell Hip Thrust

Hip Thrust

التمرينة دي بتركز على عضلة المؤخرة و العضلة الخلفية للرجل اللي هي مهمة عشان تقوم بباقي التمارين بشكل كويس. ماتستخدمش أوزان ثقيلة و كرر التمرين من 6-8 مرات.

تمرينة القرفصاء Box Squats

Box Squate

التمرينة دي بتركز على العضلة الخلفية من خلال ثني الركبة لأسفل نقطة الجسم بيوصلها و هو بيعمل تمرينة القرفصاء. و كمان بتخلي جسمك قوي و متحكم في الوزن لما بتقعد على الصندوق. مهم جدا يا فورما إنك تبعد رجلك شوية عن بعضها و انت بتقوم بالتمرين ده عشان تقدر تدفع جسمك لأعلى. كرر التمرين من 6-8 مرات.


التعليقات

التعليقات

الصعود لأعلى