تأكل إيه قبل وبعد التدريب؟ - يلافورما
الرئيسية » تغذية » إنقاص الوزن » تأكل إيه قبل وبعد التدريب؟

تأكل إيه قبل وبعد التدريب؟

تأكل إيه قبل وبعد التدريب؟

تأكل أيه قبل وبعد التدريب؟

التغذية اللى قبل التمرين بتكون عبارة عن الوقود اللى جسمك بيحتاجه علشان تقدر تتمرن، اما التغذية اللى بعد التمرين بتساعد فى علاج وبناء عضلاتك.

أولاً، لازم تعرف أن جسمك فى خزانيين للوقود:

  • الخزان الرئيسى (اللى بيخزن الجليكوجين) هو الطاقة اللى بتتخزن من أخر وجبة أنت اكلتها.
  • الخزان الإضافى (اللى بيخزن الدهون فى الخلاية الدهنية) اللى بحتوى على الدهون الأحتياطية.

لأنقاص الوزن

لو هدفك أنك تنقص من وزنك، أتاكد انك تفضى الخزان الرئيسى علشان تحرق الدهون اللى متخزنة فى الخزان الإضافى.

ممكن تتمرن ومعدتك فاضية أو تأكل سناكس خفيفة (زى الموز) علشان تخس، علشان تزود من معدل حرق الدهون، لازم ترفع من ضربات القلب وحراره جسمك بكفائة وأنت بتتمرن، تعرف لو أنت اتمرنت كويس قوى خلال التدريب بتاعك، هتحرق أكتر طول اليوم، ماتقلقش حتى لو أنت ما عملتش كويس قوى فى التمرين، ما فيش حاجة بتضيع.

سناكس اللى قبل التمرين بتكون حاجة علشان تساعدك تتحرك أسرع وتتمرن أحسن، ممكن بكل بساطة تظبط مواعيد تدريباتك تكون قريبه من وجباتك الرئيسية (الفطار والغداء والعشاء) وبكده مش هتأخذ كالوريز أكتر من اللازم اللى هتحتاج تحرقها بعدين.

لما تتمرن على معده فاضية الصبح، جسمك هيحرق الدهون اللى موجودة فى الخزان الإضافى علشان يأدى وظيفته وبالتالى تنقص من وزنك، بس لازم تعرف مده التمرين اد ايه، لو التمرين مدته نص ساعة بس، فأنت مش محتاج سناكس قبل التمرين، خد سناكس قبل التمرين فى حالة أن التمرين اكتر من ساعة ومحتاج مجهود كبير، مثلاً الجرى لمده ساعة مش محتاج أنك تأكل سناكس قبله.

كل سناكس بعد التمرين بحوالى 30 دقيقة بعد التمرين، علشان يساعد فى علاج عضلاتك، عموماً السناكس بعد التمرين بتكون صغيرة زى السناكس ومشروب البروتين.

بناء العضلات

التغذية اللى قبل وبعد التمرين بتكون اجبارية، ده لو هدفك أنك تزود وزنك.

تعرف أنك لو مأكلتش اى حاجة بعد فترة طويلة من التمرين، جسمك هيبدأ يحرق عضلاتك، لازم تأكل بعد التمرين بفترة قصيرة بروتين سريع الهضم أو كربوهيدرات مركبة اللى هتساعد فى عميلة بناء عضلاتك وتحافظ عليها.

امتى تأكل التغذية اللى قبل وبعد التمرين؟

  • أوعى تتمرن ومعدتك مليانه.
  • المفروض تأكل وجبتك الرئيسية على اقل ساعتين قبل التمرين، علشان تدى فرصة لجسمك أن يهضم الأكل.
  • المفروض السناكس قبل التمرين تكون كميات صغيرة علشان تتحرق بسرعة وأنت بتتمرن.
  • كل سناكس قبل التمرين بحوالى 30-60 دقيقة قبل التدريب.
  • سناكس اللى بعد التمرين المفروض تكون صغيرة.
  • السناكس اللى بعد التمرين بتكون فعالة خلال 30 دقيقة بعد التدريب.

سناكس قبل التمرين:

  • بروتين بار
  • زبادى قليل الدسم مع موزة
  • موزة
  • فراخ شاورما سادة
  • واحد بطاطس فى الفرن
  • ساندويتش خيار وبيض
  • شوفان مع توت

سناكس بعد التمرين:

  • لبن بشوكلاته قليله الدسم
  • جبنة قريش مع برتقال
  • كوباية جبنة قريش مع أناناس
  • بيضة مسلوقة مع مايونيز لايت
  • زبادى قليل الدسم مع العسل

التعليقات

التعليقات

الصعود لأعلى