النحافة والسمنة – خط احمر – اتجنبهم يا فورما! - يلافورما
الرئيسية » تغذية » إنقاص الوزن » النحافة والسمنة – خط احمر – اتجنبهم يا فورما!

النحافة والسمنة – خط احمر – اتجنبهم يا فورما!

إيه هى السمنة؟

هى عبارة عن حالة مرضية، لما الجسم بيخزن كمية كبيرة من الدهون، وده بيأثر على صحة جسمنا وممكن يخلى اعضاءنا ما تشتغلش بكفاءة وبتزود من الأصابات زى مرض القلب والضغط والسكر وانقطاع النفس الانسدادى اثناء النوم (كَرشة النفس) وانواع معينة من السرطان وفصال عظمي.

الواحد بيصاب بالسمنة عن طريق اكل كميات كبيره ومفيش اى ممارسة رياضية ومعدل حرق الدهون بطئ، أو ممكن بسبب بعض الأدوية أو بسبب خلل فى الجينات، الواحد بيعتبر أنه مصاب بالسمنة لما يكون BMI  بتاعة اكتر من 30، ممكن تحسبها كده على سبيل المثال: وزنك =68 كيلو، وطولك = 165 سنتيمترات (1.65 متر)، الحسبة هتكون: 68/ (1.65)2 = 24.98. علشان تعالج السمنة محتاجه وقت طويل انك تتابع فيه دايت وتمارس رياضة كمان، لأن كتير من المرضى بيرجع وزنهم تانى بعد كام سنة، علشان كده من الصعب علاج السمنة بس مش مستحيل.

طرق علشان تتجنب السمنة

  • كــل فطارك: لما تاكل وجبة الفطار، ده هيساعدك أنك تستهلك كمية اقل من اجمالى الكالوريز فى اليوم زى أكل الكورن فليكس أو البيض.
  •  كل أكل غنى بالألياف: الأكل اللى غنى بالألياف فى كالوريز ودهون قليلة وده اللى بيخليك حاسس بالشبع لحد العشاء، الاكل اللى فيه ألياف زى الشوفان والرز البنى والكورن فليكس والحبوب الكاملة.
  • كُــل كتير من الخضروات الورقية "الطازة": لو اكلت بولة من السلطة اللى بتحتوى على خضار طازة زي:الجزر والبروكلى والخيار اللى بيحتوى على كتير من المية والكالوريز بتاعتهم قليله وأليافهم بتتهضم ببطء.
  • كُــل بروتين من السمك والفراخ والبقوليات: لما تاخد كمية كافية من البروتين وأنت بتعمل دايت هيساعدك انك تخس، الناس اللى الدايت بتاعهم غنى بالبروتين وكمان الكربوهيدرات بتحرق ببطء (زى الفاكهه والخضروات والبقوليات والباستا ذات الحبوب الكامله) هما مبيحسوش بالجوع وكمان وزنهم بينقص.
  • كُــل مكسرات: الناس اللى بيأكلوا مكسرات الدهون بتاعتها صحيه، بتساعدهم انهم يحسوا بالشبع، والبروتين بيحرق السعرات الحرارية عشان يتهضم.
  • الالبان مفيدة جدا عشان الكالسيوم: كل ما تاكل كالسيوم اكتر، كل ما تحرق دهون اكتر، الناس اللى بياكلوا زبادى ولبن خالى الدسم واكل مليان كالسيوم بيخسوا وبيحرقوا كالوريز اكتر.

التعليقات

التعليقات

الصعود لأعلى