الأكل ده يا فورما حيديك طاقة فى الشتاء - يلافورما
الرئيسية » تغذية » أكلات صحية » الأكل ده يا فورما حيديك طاقة فى الشتاء

الأكل ده يا فورما حيديك طاقة فى الشتاء

الأكل ده يا فورما حيديك طاقة فى الشتاء

فى فصل الشتاء، جسمنا بيحتاج طاقة أكتر لجهازنا المناعى علشان يقاوم البرد والفيروسات المنتشرة فى كل حتة حوالينا، بحلول الشتى أنت يا فورما وغيرك ممكن توقف العادات الكويسة فى الفصول التانية اللى أنت متعود عليها فى الفصل الشتى بسهولة، يبقى علينا يا فورما فى الشتى أن إحنا نغذى جهاز المناعة بتاعنا بأكل يدى طاقة، علشان يقاوم الهجمات الخارجية، ودول يا فورما شوية أكلات تديك قوة فى الشتى.

1. البرتقال

  • وده واحد من أهم الفواكه اللى بتمد بالطاقة، ومليان عناصر غذائية زى: فيتامين C وA وكالسيوم وبوتاسيوم وبروتين وبكتين، وفى حقائق صحية كتيرة فى البرتقال زى:
  • بيمنع السرطان
  • بيمنع أمراض الكلى
  • بيحمى الجلد
  • يقلل مخاطر سرطان الكبد
  • بيقلل الكولسترول
  • بينظم ضغط الدم
  • بيزود صحة القلب
  • بيقوى النظر
  • بيقلل مخاطر الأمراض

2. البصل والتوم

الكويرسيتين اللى فى البصل بيقلل مخاطر السرطان بشده وهو مضاد للأكسدة ممتاز، وبيحميك من الفيروسات فى الشتى، والتوم يا فورما بيحارب كتير من البكتريا وبيمنع العدوى زية زى البصل بيقلل مخاطر أنواع كتيرة من السرطان، والتوم بيستعمل كعلاج لمرض نقص المناعة HIV.

3. الكرنب

ده خضار أخضر موجد فى الشتى وغنى بفيتامين K، اللى بيساعد فى تقوية العظام ويمنع الجلطات، الكرنب غنى بالبيتاكاروتين ولوتين وفيتامين C، وينصح باكله فى السلطة علشان ده زية زى بقية الخضار بيفقد معظم قيمتة الغذائية لو أطبخ.

Fruit-and-Vegetables

4. البطاطا

البطاطا دايماً موجودة فى الشتاء وغنية بمضادات الأكسدة وفيتامينات ومعادن وألياف غذائية ضرورية جداً للجسم يا فورما، وبتحتوى على فيتامين B6 وبوتاسيوم ومصدر جيد جداً بفيتامين A وC والمنغنيز وبتحتوى على دهون مشبعة وكولسترول قليل.

5. البروكلى

واحد من فصيلة خضروات الكرنب والقرنبيط، غنى بالبروتين وبفيتامين E (ألفا توكوفيرول) وثيامين وكالسيوم وحديد ومنغنيز وفوسفور وسيلينيوم ومصدر كويس للألياف الغذائية وفيتامين A وC وK وB6 وبوتاسيوم، والبروكلى بقى يا فورما له خواص ضد السرطان، وينصح باكله نى.

6.اليوسفى

اليوسفى متوفر فى كل مكان فى الشتى وهو من عائلة البرتقال، علشان كده غنى بفيتامين C والبيتاكاروتين اللى بيساعد فى محاربة إلتهابات الرئه خصوصاً فى الشتى، و له خواص مضادة للأكسدة وهو مصدر رائع للألياف ومصدر كويس لفيتامين A وC.

7. التونة المعلبة

مصدر هايل لفيتامين D لأن الشمس مش بتبقى قوية فى الشتى، علشان كده التونة بتكون مصدر بديل للشمس فى الشتى، كمان هو مصدر لفيتامين B6 وB12

وفسفور وبروتين ونياسين وسيلينيوم.


التعليقات

التعليقات

الصعود لأعلى