اكثر انواع الرجيم انتشارآ - يلافورما
Home » تغذية » إنقاص الوزن » اكثر انواع الرجيم انتشارآ

اكثر انواع الرجيم انتشارآ

فى برامج تخسيس كتيرة فى العالم، والبرامج دى بتنفع كل الناس اللى عايزين أجسام رشيقة، إحنا هنقدم لك معلومات بسيطه ومختصره عن أشهر الرجيمات أنتشاراً فى العالم، وأنت تقدر تختار الرجيم اللى يناسبك من أنواع الرجيمات المختلفة دى.

اكثر انواع الرجيم انتشارآ

اكثر انواع الرجيم انتشارآ

  • رجيم الدهون قليلة الدسم

الرجيم ده منتشر جداً فى كل مكان، وبيناسب كل الناس، و كمان صحي وخصوصاً على المدى الطويل، الرجيم ده سهل أنك تتبعه، لأنه بيبعد عن الأكل اللى فى دهون عالية (زى الزبدة - الزيت - الشيبسى - الشكولاتة - الجبنة)، وبيعتمد على أستهلاك كمية قليلة  جداً من الدهون علشان تقلل الكلوريز، بكده تقدر تخس ، وده سبب أن رجيم الدهون قليلة الدسم منتشر جداً.

 

  • الـ Atkins رجيم

الرجيم ده بيسمح أنك تاكل أكل غنى بالبروتين والدهون بس مفهوش كربوهيدرات، وفى دراسات حديثة بتقول إن فى ناس كتير خست على الـ Atkins رجيم وعلشان كده الرجيم ده منتشر جداً، لكن الرجيم ده في بعض الأخطار على المدى الطويل، لأن الجسم بيحتاج كربوهيدرات.

 

  • رجيم للتخلص من السموم

الرجيم ده بيحتوى على مية كتير ورز وفواكه وخضار، وميزته أنك كل شوية بتزود من الأكل ده، ناس بتقول أنه مفروض تستمر علية مده قليلة، لكن نتيجتة كويسة لحد دلوقتى، لأنه بيمنع دخول السموم فى الجسم وبيخلص الجسم من السموم.

 

  • الـ GI رجيم

الرجيم ده بيأكلوا فيه أكل بيخرج الطاقة ببطء، علشان متجعوش بسرعة، وده ما يخلكش تاكل كتير، لازم  تعمل تمارين مع الرجيم ده، علشان أنت بتعمل تغيير بسيط فى كمية الأكل اللى أنت بتأكلها، كمان الرجيم ده سهل ومفيد للجسم على المدى الطويل.

 

  • الـ Zone رجيم

الرجيم ده دقيق وناس كتيره بتتبعه، فكرة الرجيم ده أنك تستهلك 40% كالوريز من الكربوهيدرات اللى بتكلها، و30% من البروتين و30% من الدهون، الرجيم ده بيخليك تاكل كل أنواع الأكل وفى نفس الوقت بتخس، علشان الأنسولين اللى بينتجه الجسم، نظام الرجيم ده، أن كل وجبة لازم تحتوى على 500 كالوريز أو اقل وأى سناك لازم يحتوى على 100 كالوريز أو أقل، مع أن الرجيم ده منتشر، بس بيحير شوية، لأنه بيحتاج أنك تحسب الكالوريز كل شوية.


التعليقات

التعليقات

Scroll to top