اسئلة بتدور فى دماغنا دايماً فى رمضان عن التخسيس - يلافورما
الرئيسية » رمضان والفورما » اسئلة بتدور فى دماغنا دايماً فى رمضان عن التخسيس

اسئلة بتدور فى دماغنا دايماً فى رمضان عن التخسيس

اسئلة بتدور فى دماغنا دايماً فى رمضان عن التخسيس

  • ممكن اتمرن فى شهر رمضان؟

تقدر تتمرن عادى فى رمضان يا فورما! علشان تستفيد من التمرين اكتر استفاده لازم تختار الوقت المناسب لما تكون طاقتك عالية وعندك مية كفاية فى جسمك، علشان كده احسن وقت تتمرن فيه فى رمضان بيكون بعد الفطار بساعتيين او تلاته، اوعى تعمل تدريبات او رياضة الـintensty بتاعتها شديدة وانت صايم لأنه حيسبب لك جفاف، لو انت عايز تتمرن وانت صايم، احسن وقت للتدريب هو ساعة قبل الفطار علشان تدى فرصة كويسه ان جسمك يستعيد طاقته وتشرب مية اللى انت خسرتها اثناء التدريب، كمان انت حتملا خزنات طاقتك وتساعد عضلاتك انهم يتعافوا بسرعة.

  • هو مهم اوى اننا نأخد بالنا من نسبة الأملاح اثناء رمضان؟

انت بتحس بالعطش، لما يكون فى نسبة عالية من الأملاح (السوديوم) ونسبة قليله من المية فى الجسم، السوديوم مهم علشان بيوازن السوائل فى جسمنا، لأن المية مرطبته بالسوديوم، عموماً الكلى بتتخلص من السوديوم حتى لو نسبته عالية فى الجسم، بس فى نفس الوقت انت بتخسر مية كمان، الأملاح الكتيرة ممكن تأثر جامد على الفورم اللى عندهم ضغط عالى، علشان كده مهم اوى انك تبعد عن الأكل اللى بيحتوى على نسبة عالية من الأملاح زى اللحمه المصنعة والمنتاجات المعلبة والمخلل إلخ.

  • ليه احنا محتاجين نقلل من شرب الكافيين والمشروبات الغازية فى رمضان؟

لأن الكافيين مدر للبول، بمعنى بيخليك تخسر مية كتير، بالتالى بيزود من نسبة نقصان المية فى الجسم ويسبب الجفاف، انت مش بس بتفقد مية، لان المية بتحتوى على عناصر غذائية زى الكالسيوم، علشان كده كل ما تكتر من شرب الكافيين كل ما انت حتخسر مية وحيأثر كمان على امتصاص العناصر الغذائية، كمان الكافيين عبارة عن دواء منبه، لما تشرب كمية كبيرة من الكافيين ممكن تخلى الفورم يحسوا بالقلق او الصداع، اما المشروبات الغازية بتحتوى على نسبة عالية من السكريات اللى بتزود كالوريز كتير على الفاضى.


التعليقات

التعليقات

الصعود لأعلى