ازاى تاكُل أكل صحي وتوفر فلوسك في نفس الوقت جـ3!! - يلافورما
الرئيسية » تمارين لياقة » ازاى تاكُل أكل صحي وتوفر فلوسك في نفس الوقت جـ3!!

ازاى تاكُل أكل صحي وتوفر فلوسك في نفس الوقت جـ3!!

ازاى تاكُل أكل صحي وتوفر فلوسك في نفس الوقت جـ3!!

لو حسبت بتصرف اد ايه فى الأكل، عند معظم الناس، هتلاقي نفسك بتدفع اد كدة قبل حتى ما نتكلم عن الأكل الصحى، علشان كده مش حاجة غريبة لما موضوع الأكل يكون موضوع شاغل بال كل الناس، مع انه مش لازم يكون كده، انت ممكن تأكل اكل صحى، وتاكُل أكل صحي وتوفر فلوسك في نفس الوقت، لو انت بتشترى بذكاء وبتطبخ كل أكلك بنفسك.

الأساسيات

استخدم لسته الشراء دى علشان تكون دليلك للأكل الصحى، وانت حتأكل كويس وحتحصل على جودة اكل عاليه وحتكون فى الفورما.

  • منتاجات الألبان والبيض: جبنة قريش وزبادى سادة وبيض

الزبادى الساده من اهم منتاجات الألبان، انت ممكن زى ما هو مع topping انت عامله فى البيت، ممكن تستخدمه كصوص او مع الـshakes، بيحتوى الزبادى السادة على بروتين عالى ونسبة كربوهيدرات قليله وطعمه حلو لواحده، احسن اختيار للزبادى هو قليل الدسم (احسن حاجة 2% دسم)، اوعى تشترى zero دسم، عندك خيارات مختلفة ولا حصر لها للـtopping انت ممكن تأكل الزبادى السادة مع المكسرات او الفاكهه او العسل او القرفة.

أوعى تشترى الزبادى العائلى برغم انه ارخص، لأنك حتضطر تستخدمه على طول واى حاجة تكتر منها حتى لو صحية مش كويس، احسن حاجة انك تختار علبة صغيرة 7 اونس (200 جرام).

البيض من الأكلات المفيدة، لأنه بيحتوى على عناصر عذائية ومعادن ومصدر كويس جداً للبروتين، لو انت قلقان على مستوى الكولسترول انت ممكن تأكل بياض البيض بس.

  • التوابل: ملح وفلفل وفلفل أحمر ومكعبات ماجى وقرفة

مع شوية توابل انت ممكن تخلى اى وجبة بيكون طعمها حلو، انت مش محتاج توابل كتيرة، لأنك معظم الوقت حتستخدم ملح وفلفل وشوية زيت.

مكعبات ماجى بتحلى الرز والقرفة بتكون تحفه مع الزبادى، علشان كده اوعى تستغنى عنه فى المطبخ.

  • الطبيخ: زيت زيتون وتوم وبصل وشِبِتّ ومستردة

لو تقدر تشترى زيت زيتون، أوعى تحمر بيه حاجة، استخدمه بس على السلطة او معلقة كبيرة على اللحمه لما تدخل الفرن، زيت الزيتون حيفضل معاك فترة مع انه اغلا من زيت دوار الشمس.

المستردة كويسه، لو انت خلط المستردة مع الزبادى وشوية توابل حتكون بديل صحى للمايونيز.

اشترى توابل زى الشِبِتّ او الريحان بيكونوا ممتازين اول ما تشتريهم، هنا حنقولك على طريقة علشان يفضلوا ممتازين لفترة اطول: اول ما تشتريهم اغسلهم وقطعهم وحطهم فى الفريزر وبعدين استخدمهم فى اى وقت انت عايزه.

توم انت ممكن تحتفظ بيه لفترة اطول فى التلاجة فى الجزء المخصص للخضار، حيكون احسن لو انت قشرت فصوص التوم، تقدر بعد كده تسحب منه علشان تعمل اى صوص او تطبخ بيه.

كل الأكل اللى احنا ذكرناه فى المقال ده، كله مناسب للفورم اللى عايزين يخسوا واللى عايزين يبنوا عضلات، ده كمان بيقوى المناعه وكويس كمان لأنه بيساعد على الشفاء بعد التمرين، الأكل الصحى معناه أكل حقيقى، الاكل الحقيقى هو الأكل الصحى.

اى وقت يكون معاك فلوس زيادة انت ممكن تزود من الأكل، انت ممكن تشترى سلمون وجمبرى كبير وفاكهه اكتر زى الكمترى والكيوى، السلمون بيكون احسن لما تشترى مجمد، وكمان بيكون ارخص، الكمترى والكيوى بيفضلوا لفترة اطول لو هما فى التلاجة وبيكونوا رائعين فى السلطة، او مع الزبادى او لوحدهم.


التعليقات

التعليقات

الصعود لأعلى