ازاى تاكُل أكل صحي وتوفر فلوسك في نفس الوقت جـ2!! - يلافورما
الرئيسية » تمارين لياقة » ازاى تاكُل أكل صحي وتوفر فلوسك في نفس الوقت جـ2!!

ازاى تاكُل أكل صحي وتوفر فلوسك في نفس الوقت جـ2!!

ازاى تاكُل أكل صحي وتوفر فلوسك في نفس الوقت جـ2!!

لو حسبت بتصرف اد ايه فى الأكل، عند معظم الناس، هتلاقي نفسك بتدفع اد كدة قبل حتى ما نتكلم عن الأكل الصحى، علشان كده مش حاجة غريبة لما موضوع الأكل يكون موضوع شاغل بال كل الناس، مع انه مش لازم يكون كده، انت ممكن تأكل اكل صحى، وتاكُل أكل صحي وتوفر فلوسك في نفس الوقت، لو انت بتشترى بذكاء وبتطبخ كل أكلك بنفسك.

الأساسيات

استخدم لسته الشراء دى علشان تكون دليلك للأكل الصحى، وانت حتأكل كويس وحتحصل على جودة اكل عاليه وحتكون فى الفورما.

  • الفاكهه الأساسية: التفاح والموز والبرتقال

لو انت معاك فلوس زيادة انت ممكن تشترى مانجو وعنب وفراولة واناناس، لو انت عايز شوية فاكهه علشان الدايت، الفاكهه الأساسية احسن حاجة.

التفاح بيعيش لفترة اطول، حتى لو تفاح مش كويس اوى انت ممكن تعمل منه صوص او تحطه فى الفرن مع عسل.

الموز مع انه مش بيعيش بس مش غالى، وتقدر تستخدمه فى وصفات مختلفة وفى السموزى وممكن تأكله لوحده مع قرفة ومكسرات للتحلية.

لازم تدخل فيتامين C فى الدايت بتاعك، البرتقال كويس وبيعيش فى التلاجة وممكن تعمل منه عصير فريش فى البيت، اللى انت ممكن تدفع اد كده علشان تشربه برة.

  • املأ مطبخك بحاجات اساسية: زبدة الفول السودانى وعلب تونة وبقوليات ومشروم وعسل ومكسرات

حتوفر فلوس كتير لما تشترى أكل معلب، وميزته انه مش حيخسر بسرعة، لما يجى يوم وتلاقى عندك باستا بس ممكن تفتح النملية وتلاقى عندك صلصة، خصوصاً اخر الشهر، انت ممكن تعمل وصفات كتيرة بالأكل المعلب مع باستا او رز، لو انت من الناس اللى بيقولوا ان الأكل المعلب مش صحى، فكر انه احسن بكتير من الوجبات السريعة اللى بتأكلها كل يوم.

زبده الفول السودانى بيكون رائعه مع تفاح مقطع شرائح، حتى ساندويشات زبده الفول السودانى بتكون كويسه على الفطار، انت كمان ممكن تستخدم زبده الفول السودانى فى عمل البروتين بار فى البيت، زبده الفول السودانى مش لازم يكون عضوى او احسن ماركه.

احسن مقادير صحية واساسية وتقدر تشتريهم ساعة العروض وما يخسروش بسرعة هما: المكسرات والعسل، العسل من الحاجات اللى ما تقدرش تستغنى عنها، المكسرات بتنفع تحطها مع اى حاجة او تاكلها كسناكس سهله التعبئه ومش بتخسر بسرعة.

  • اللحمه: فرخة كامله ولحمه (مفرومة)

كلنا عارفين ان اللحمه الفريش بتكون غاليه شوية، او على الأقل اننا بتعتقد بكده، لو انت اشتريت كمية كبيرة ساعة العروض والخصومات حتوفر فلوسك، وكمان مش اللحمه المفرومه بتكون ارخص حاجة، انت ممكن تشتريها وتعمل كرات اللحم او برجر وتحطهم فى الفريزر جاهزين للطبيخ.

الفرخة الكامله حتقضيك كذا يوم، انت بتحس انك بتوفر لما تشترى ناجتس، بس الناجتس اللى انت بتشتريه مش بيكون 50% فراخ، الأحسن انك تشترى فرخة كامل علشان تكون 100% فراخ.

ناس كتيرة مش بتعرف تتعامل مع اللحمه الفريش اللى انت بتشتريها من جزء اللحمه او عند الجزار، طبيخ اللحمه مش صعب انت بتحطها فى الفرن وانت بتعمل التتبيلة بنفسك.


التعليقات

التعليقات

الصعود لأعلى