إزاي يا فورما تحفز نفسك علشان تتمرن يومياً - يلافورما
الرئيسية » تمارين لياقة » إزاي يا فورما تحفز نفسك علشان تتمرن يومياً

إزاي يا فورما تحفز نفسك علشان تتمرن يومياً

إزاي يا فورما تحفز نفسك علشان تتمرن يومياً

التريكاية علشان تحفز نفسك علشان تتمرن يومياً

هى أنك تعمل التمرين، لأن هو ده الصح وكمان صحي لجسمك، لأن الحافز عبارة عن حاجة أنت بتنميها ودعمها فى نفسك كل يوم، مافيش حد بيحب الوجع، أو الآلام عضلات أو حتى اى متاعب صغيرة، بمقارنة بأنك تقعد مستريح ادام التليفزيون أو الكمبيوتر او اللاب توب وفى نفس الوقت بتأكل سناكس أو مستنى الوجبة التالية.

بس جسمنا يا فورما مخلوق علشان يشتغل، علشان كده جسمك بيكون فى احسن حاله لما تشتغل وأحسن وأحسن لما تتمرن، بس المشكلة فى مخنا، لأن مخنا بيكون عايز يعمل الحاجات اللى تجبلنا السعادة فلما تتمرن حيكون فى آلم ووجع، فمخك يحاول يقنعك أنك مش محتاج للتمارين دى ويخليك تعمل حاجة تسعدك زى أنك تقعد على الأنترنت أو تتفرج على فيلم وهكذا، كمان بيكون صعب أنك تلاقى الحافز خصوصاً لما تكون اصلاً حاسس بوجع من السيشن اللى فات، علشان كده لازم تحارب مخك وتعمل شوية تمارين لأنك عارف أن ده صح وكمان أنت تعرف ان التمارين حتحسن من حياتك للأحسن:

  • حتحس بأحساس كويس

  • حتحس بالرضا أكتر فى أخر الأسبوع وتستمتع بأيام الراحة.

كل اللى أنت حتعمله هو أنك تروح الجيم أو تعمل التمرين: بس كده! أنت مش محتاج أنك تكون مستعد، الظروف مش لازم تكون مثالية (ومتتلككش بالظروف لأنهم مش حيكون مثاليين)، ألبس التى شيرت والبنطلون الترينج وروح الجيم/أتمرن، ممكن تعمل التمارين على حسب سرعتك، بس أهم حاجة أنك تعمل التمرين.

طبيعى جداً انك تحس:

  • انت متتمرن مش بنفس،

  • أنت مش فى الفورما

  • من الاخر كده كل حاجة غلط.

بس لسة حتعمل التمارين واحد ورا التانى، فى اللحظه اللى أنت حتخلص فيها، حتحس بأنجاز وتفتخر بنفسك، ممكن تحس بشوية وجع وهنا وهناك، بس كل ده حيروح لأنك فعلاً عملت التمرين ومكسلتش.

الحافز مش حاجة مستمرة، حتى لما الحافز بيكون حاجة رائعة وخياليه، بس احنا مش دايماً عندنا الحافز، فالحل البديل أو التريكاية أنك تصمم على أنك تروح الجيم أو تعمل التمرين فى البيت، أوعى تفوت التدريب زى ما أحنا ما بنفوتش معاد الأكل، لأن زى ما أنت محتاج تأكل جسمك بردو محتاج يتحرك، من غير التدريب جسمك مش حيأدى وظيفته بكفائة.

افتكر أنك:

  • تروح الجيم

  • تعمل اى تمرين أو شوية تمارين

  • وشوف النتيجة حتكون اى أدام.


التعليقات

التعليقات

الصعود لأعلى