إزاي تنقص وزنك/تحرق الدهون - يلافورما
الرئيسية » تمارين لياقة » إزاي تنقص وزنك/تحرق الدهون

إزاي تنقص وزنك/تحرق الدهون

إزاي تنقص وزنك/تحرق الدهون

الدهون طاقة مخزنة، وأنت حيكون عندك شوية دهون طول ما أنت عايش يا فورما، وأحنا بنستهلك الأكل علشان نعيش، وبنستخدم جزء منه على طول علشان تقدر نفكر ونتنفس والباقى بيتخزن فى الخلاية الدهنية بعدين، أول ما نوصل لسن الرشد بيفضل عدد الخلاية الدهنية ثابت فى جسمنا، ممكن نملاهم أو نفضيهم بس مش ممكن نتخلص منهم، كل اللى بيحصل أنها بتكبر أو بتصغر، الدهون يا فورما أساسية لأنها هى اللى بتمدنا بالطاقة علشان نعيش ونكمل أعمالنا لما نحتاج للطاقة، عندنا خيارين علشان نجبر ونسرع العملية ونخلى جسمنا يستهلك الدهون المخزنة للطاقة واللى هما:

  • الدايت
  • التدريب

علشان كده يقولك "كُل أقل وأتمرن أكتر"

إزاي تنقص وزنك/تحرق الدهون

الدايت لوحده حيحرم جسمك من المصادر الأساسية ويجبره أن يستهلك الدهون المتخزنة للطاقة، حتنقص وزنك بسرعة، بس حيصدم جسمك وجسمك حيرجع الوزن اللى أنت نقصته فى نص الوقت اللى أنت أخذته علشان تنقصه، سبب الموضوع ده ان جسمك بيحافظ على نفسه علشان تعيش لما يحتاج الطاقة دى بعدين، كمان يا فورما لازم تفتكر ان انت لما تنقص وزنك بسرعة جلدك مش حيكون عنده الوقت المناسب علشان يتأقلم من التغيير المفاجأ ده.

التمرين ممكن يساعد جسمك انه يستهلك الدهون المخزنة للطاقة، عكس الدايت، التمرين مش بس بيفضى الخلايا الدهنية ده كمان بيبنى عضلات والعضلات بتزود وزنك على الميزان. زمان يا فورما كل اللى احنا كنا بنعمله هو الدايت، بس دلوقتى احنا بتتمرن مع الدايت، فالرقم اللى أحنا بنشوفوا على الميزان، مش مقياس كويس لتقدمنا، بمعنى أن ممكن تلبس مقاس أصغر بتلت مرات وتلاقى مافيش اى تغيير على الميزان لما تتمرن وتعمل دايت كمان. بالتدريب أنت بتفضى الخلايا الدهنية، بس أنت مش عارف تحددها بالكيلوجرام، أحسن طريقة علشان تتابع تقدمك وأنت بتعمل دايت والتدريب هو انك تصور نفسك بأنتظام او تستخدم متر القياس أو تستخدم ميزان بيقيس دهون الجسم. أنت ما عملتش حاجة، لو أنت اتمرنت جامد وبعدين أكلت أكتر من اللى أنت حرقته أو تأكل كتير قبل أو اثناء أو بعد السيشن، كده انت بتمد جسمك بالمصادر اللى هو محتاجها من غير ما ياخد مصادره من الدهون المختزنة.

 

أحسن طريقة هو انك تجمع بين الدايت والتمرين، قلل أكلك شوية واتحرك اكتر بأنتظام، لما تغيير عاداتك من غير ما تضغط على نفسك وما تقدرش تكمل نفسياً وجسمانياً، حتحقق اللياقة المناسبه.

 

العضلات بتحتاج أنك تحافظ عليها، والعضلات بتحتاج لمصادر غذئية كتيرة علشان تعرف تتحرك بالعضلات، كل ما يكون عندك عضلات أكتر كل ما انت حتحتاج للطاقة اكتر، لو أنت عندك عضلات حيكون الكالوريز اليومية بتاعك حيزيد علشان انت محتاج للطاقة علشان تمدها لعضلاتك بالطاقة.

لازم يا فورما تحط فى الأعتبار ان العضلات مش حتكون عندك للأبد لو انت مش بتغذيها وبتستخدمها كمان، حتخسر عضلاتك لما ما تنتظمش فى التدريب، لأن جسمك حيعتبرها مشكلة او حاجة مش اساسية، زى ما قولنا قبل كده جسمك بياخد الشكل المناسب للايف استايل بتاعك، علشان كده غيير اللايف استايل وجسمك حيتغيير على طول.


التعليقات

التعليقات

الصعود لأعلى