إزاي تعالج آلام العضلات يا فورما - يلافورما
Home » تمارين لياقة » فيت لايف » إزاي تعالج آلام العضلات يا فورما

إزاي تعالج آلام العضلات يا فورما

إزاي تعالج آلام العضلات يا فورما

احنا بنضغط على نفسنا وبنبذل اقصى جهدنا اثناء التمرين لحد ما يجى تانى يوم وكل جسمنا بيوجعنا وبنعتبر قومنا من على السرير "انجاز".

إزاي تعالج آلام العضلات

بتحس بألآم العضلات بعد التمرين بـ24-48 ساعة، مدى الوجع ومدته بتتوقف على مستوى لياقتك وبتتمرن كل اد ايه، لما تتمرن اول مرة ولمده طويلة حتلاقى نفسك تانى يوم مكسح، الآم العضلات جزء من العملية التدريبية بس ممكن نخفف الألم شوية، وهنا إزاي: كل اللى عليك تعمله تحارب الآلم بألآلم واتمرن اكتر.

كل ما تتمرن بأنتظام كل ما حيقلل ألم عضلاتك تانى يوم وفى النهاية مش حتحس بوجع، زى ما قولنا قبل كده جسمنا مخلوق علشان يتحرك، فخليك نشيط يا فورما!

احنا متعودين نأخد ايام راحة علشان ندى وقت للعضلات تستريح وكمان علشان الألم يروح بس الطريقة دى مش فعالة، كل ما تأخد راحة اكتر كل ما تزيد فرصة انك تبطل تدريب اللياقة كله، المفروض تتمرن علشان تتعافة، ممكن تمشى أو تجرى جرى خفيف أو تعمل تمرين خفيف على حسب سرعتك مع عدد مرات اقل وده حيساعد عضلاتك فى العلاج.

أول ما نحس بوجع العضلات بيكون سهل اننا نكسل وتعوز ناخد راحة، بس اول ما تاخد راحة جسمك حيحب الراحة، ويبقى وجع العضلات وايام الراحة الرسمية عذر مقبول، بس خلى بالك يا فورما أول ما تسمح لجسمك بأنه ياخد راحة مش حتقدر تتمرن تانى زى الأول.

لما تعمل تمرينات معقولة مع الآم العضلات حيفيدك ويساعدك انك تقوى اسرع وتقلل من الوجع تانى يوم.

ألتهاب العضلات اللى بعد التمرين مهم جداً لأنه بيكون اول مرحلة فى علاج العضلات وألام العضلات اللى أنت بتواجها جزء طبيعى علشان تقوى، لما تعوق العملية دى بأنك تاخد حمام ساقع او ترش اسبراى ساقع، مش بس حتبطء العملية الشفائية انت كمان بتأخر العلاج اللى جسمك محتاجه.

حتزود من سرعة العلاج بالحركة من غير ضغط جامد، اعمل تمارين خفيفة حيساعدك انك توصل لهدفك بسرعة وتبنى عضلات قوية وكويسة، لو أنت مش قادر على التمرين ممكن تجرب دول:

  • امشى
  • ارمى طبق طائر
  • اسبح شوية
  • ألعب بالكرة

لو اليوم ده هو "يوم راحتك"، ممكن تجرب واحد من المقترحات دى:

  • لو عضلاتك فى معانة، خليهم دافين و:
    • اعمل شوية stretching
    • امشى
    • ارمى الكرة
    • خد وقت طويل فى السباحة

 

  • لو عضلاتك بتوجعك جامد، دافى عضلاتك كويس و:
    • اجرى
    • اعمل 10 مرات تمرينة squats، كل ساعتين
    • اعمل 5 مرات تمرينة push-ups، كل ساعتين

 

  • لو عضلاتك بتوجعك، مش عذر اتمرن عادى بس:
    • اعمل روتين خفيف
    • اجرى

 

  • لو عضلاتك بتوجعك ممكن :
    • تعمل اللى انت بتعمله دايما بس قلل المستوى شوية
    • خد راحة أطول بين كل مجموعة
    • اعمل شوية stretching قبل وبعد الروتين.

جسمنا مخلوق للعمل، فلما تحس المرة التانية انك عايز تاخد راحة علشان عملت مجهود اكتر من العادى، فكر ان اللى انت بتعمله دلوقتى علشان "الشكل" اللى انت عايزه، ما توقفش، ممكن تغير شده التمرين بس افضل اتحرك علشان توصل لأهدافك.


التعليقات

التعليقات

Scroll to top