إزاي تخلى جسمك يسمع كلامك! - يلافورما
الرئيسية » تمارين لياقة » إزاي تخلى جسمك يسمع كلامك!

إزاي تخلى جسمك يسمع كلامك!

إزاي تخلى جسمك يسمع كلامك!

الوسيلة الوحيدة للتواصل بينك وبين جسمك بتكون عن طريق الأفعال اللى انت بتعملها فى حياتك اليومية، وعلى اساس الأفعال دى جسمك بيستجيب لها.

احنا بنأكل اكتر من احتياجات جسمنا لأن الأكل متوفر، بس جسمنا مايعرفش المعلومة دى وبيخزن الأكل، لأن الحاجة الوحيدة اللى الجسم فاهمها ان الوقت ممكن يكون او هو صعب علشان كده جسمنا بيعتبر الأكل كنز المفروض يحافظ عليه، علشان كده الجسم بيعمل اى حاجة علشان يحافظ على الدهون المختزنة، حتى بيحافظ على اخر 5 كيلو اللى انت حتموت وتخسهم.

انت بتتوقع انك تحصل على عضلات لما انت متتمرنش ومش بس كده انت بتأكل كتير، مع الأسف الرسالة اللى انت بتوصلها لجسمك بالطريقة دى انك عايز تكون زى الكرمبة، جسمك ذكى كفاية انه يفهم اللى انت محتاجة، بس مش ذكى قوى انه يعرف انت بتفكر فى ايه ومش فاهم اللى انت عايزه، مثلاً لو انت اتمرنت يومياً جسمك حيعرف انك محتاج تكون رشيق علشان تعرف تتعامل مع الأوزان والتدريبات، لو انت اكلت بأنتظام وعلى طول جسمك حيعرف ان الاكل وفير للبقاء، وهو مش محتاج انه يخزن الأكل فى الخلايا الدهنية.

إزاي تخلى جسمك يسمع كلامك!

علشان تحصل على الجسم اللى انت عايزه وجسم بيستجيب لكل طلب مهما كان الطلب ايه هو، الأول لازم تحترم احتياجات جسمك وتفهم ايه اللى بيحرك جسمك، لازم تقدم التغيير لجسمك بطريقة طبيعية، من غير ما تجبر جسمك للخضوع، انت ممكن يا فورما تجبر جسمك، بس حيتمرد اول ما تاخد راحة ويرجع كل حاجة لسلطته ويبدأ بتخزين الأكل بسرعة فى الخلايا الدهنية ويرجع كل الوزن اللى انت نقصته واللى انت تعبت فيه.

لو انت يا فورما عايز يكون التغيير دائم، لازم تغيير اللايف استايل نهائياً، عرف جسمك انك محتاجه يكون مختلف وجسمك حيستجيب لك وحيفهم، لأن جسمك عايز يستجيب لكل طلاباتك بس هو محتاج يفهم انت عايزه يعمل ايه بالظبط.


التعليقات

التعليقات

الصعود لأعلى