إزاي يا فورما تخلى اى تمرين يكون سهل - يلافورما
الرئيسية » تمارين لياقة » إزاي يا فورما تخلى اى تمرين يكون سهل

إزاي يا فورما تخلى اى تمرين يكون سهل

إزاي يا فورما تخلى اى تمرين يكون سهل

لو تعرف يا فورما تتحكم فى احساسك أثناء التمرين وتستخدم تريكات ذهنية كتيرة؛ مش بس حتحسن من احساسك أنت كمان حتحسن من ادائك وتتمرن اكتر، جزء كبير من اللياقة بيكون فى ذهنك، علشان كده بيكون فى حرب ذهنية وأنت محتاج تكسبها علشان تمرن نفسك كل مرة، ويلافورما جابتلك كام تريكاية علشان تعملهم وتخلى اى تمرين يكون سهل عليك:

   
  • جرب تكنيك الخطاب الحماسى قبل التمرين:
 

معظمنا بيركز اكتر على صعوبه وتحدى التمرين ونكبر الموضوع ده فى دماغنه اوى، النتيجة اننا بنعانى اكتر، والحل انك تجرب تكنيك الخطاب الحماسى قبل الروتين: قول لنفسك بستمرار ان التمرين ده مش حاجة صعبه أو كبيرة، التمرين ده بسيط جداً أو ده بتاع المبتدئين، وأنت حتلاقى نفسك بتعرف تعمل اى تمرين، بعد كده حتلاقى كل التمارين بقت سهل اوى بنسبالك.

   
  • اتخيل أن أنت روحت مكان تانى لمده ثوانى:
 

لو أنت يا فورما مش مرتاح فى المكان اللى أنت فيه، ممكن تتخيل بمكان أنت عايز تكون فيه دلوقتى وتروح المكان ده بس فى دماغك، ممكن تتخيل حاجة أنت بتحبها أو حاجة انت بستمتع بيها لمده ثوانى، لما تعمل كده انت حتساعد مخك بأنه ما يفكرش فى صعوبة التمرين.

   
  • اكذب
 

كل اللى أنت محتاجه أن أنت تقول لنفسك ان اللى أنت بتعمله دلوقتى ممكن يكون صعب عليك بس أنت قربت تخلصه واحتمال ما تعملوش تانى ابداً، الكذبة دى بتساعدك انك تغير تفكيرك من الشكوى بأنك تركز على أنك تخلص التمرين، لما يجى بكرة حيكون زى اى يوم حتكون خلاص ارتحت واسترديت قوتك وذهنك صافى.

   
  • شغل اغانى/ موسيقى
 

الموسيقى بتهدى وده بيساعد على تقليل شد العضلات وبتنشط عملية الأكسجة، على أساس دراسة اتعملت على يد فريق الباحثين وعلى رأسهم طومس هانز فريتز (Thomas Hans Fritz) تابعاً لجامعة غنت (Ghent) ومؤسسة ماكس بلانك.

   
  • لمحبى الألعاب:
 

تعرف يا فورما لما تحط فى بالك الأهداف قصيرة المدى، أنت مش حتدقق على احساسك دلوقتى، ليه ما تجربش الأفكار دى علشان تخلى اى تمرين يكون سهل:

  • لما تغيير تركيز أفكارك، حتنسى تعبك أو اى حاجة مضايقك.
  • ممكن تجرب الفكرة دى مع اصحابك: اتمرن علشان تجمع نقط، مثلاً كل مرة (rep) من كل تمرين يساوى نقطة علشان كده جرب توصل لأقصى رقم توصله أو حدد رقم لنفسك وجرب تجمع النقط اللى أنت حتوصل لها كل يوم.
  • تعرف يا فورما ان لعبة Ingress هى من أحسن امثلة للرياضة الغير مقصودة، أول ما تشارك فى اللعبة دى، مش حتقدر ما تتمرنش، علشان تلعب اللعبة دى لازم تروح من باب لباب (فى الحقيقة) على رجليك أو بالعجله، لو أنت عايز تحسن لعبتك، فأنت محتاج تلعبها اكتر من مرة أو ممكن معظم اليوم، وبكده يا فورما أنت حتجمع بين ألعاب الفيديو مع اللياقة.

التعليقات

التعليقات

الصعود لأعلى