إزاي تحقق وتحافظ على لياقتك مع الشخص اللى انت بتحبه - يلافورما
الرئيسية » تمارين لياقة » إزاي تحقق وتحافظ على لياقتك مع الشخص اللى انت بتحبه

إزاي تحقق وتحافظ على لياقتك مع الشخص اللى انت بتحبه

إزاي تحقق وتحافظ على لياقتك مع الشخص اللى انت بتحبه

وجدت الدراسات ان معظم الناس بيزيد وزنهم لما يكونوا مرتبطين، لأن الحفاظ على الفورما وانت مرتبط مش سهل شوية، بس ممكن اللياقة تقربكم من بعض و تقوى الرباط.

علشان كده يلا فورما جابتلك نصائح تعرف منها إزاي تحقق وتحافظ على لياقتك مع الشخص اللى انت بتحبه:

شجعوا بعض:

حاول تطبق النظرية دى الأزواج اللى بيتمرنوا مع بعض حيفضلوا مع بعض، وكل اللى أنت محتاجة يا فورما هو شوية تخطيط مع شريكك علشان تعرفوا الوقت المحدد لتدريب ونوعية التدريب كمان اللى انتوا حتعملوه وعلشان تكونوا مستعدين ذهنياً وبدنياً، اتكلموا فى الموضوع مع بعض ودوروا على الاختيارات المتاحه، خططوا الجدول مع بعض علشان تلتزموا، ممكن تجرب الطرق دى علشان تتمرنوا مع بعض من غير ما تسيبوا البيت او تسرفوا فلوس كتير على الأجهزة الرياضية او على اشتراك الجيم:

  • ممكن تتمرنوا ادام التليفزيون بدل ما تجيبوا أكل وتأكلوا ادام التليفزيون.
  • اختاروا وقت معين فى اليوم اللى مهما حصل حتسيبوا اللى فى ايديكم  وتتمرنوا سيشن مع بعض.

الناس اللى بيلاقوا وقت علشان يقعدوا مع بعض بتكون علاقتهم كويسة وسعيدة، فممكن تخلى اللياقة من الحاجات اللى تقربكم من بعض. لو أنت يا فورما حتتمرن لوحدك لأى سبب، اتأكد ان شريكك فاهم دوافعك وعارف انك جاد فى موضوع اللياقة.

حددوا خطة واتبعوها:

لما تلاقى برنامج كويس تتبعه كده نص المشوار، بس لما تواظب عليه ده حاجة تانية خالص، المشكلة اننا بنلاقى البرنامج بس معظم الوقت مش بنكمله للأخر، علشان كده المفروض تطبع كل حاجة وتخليها ادامك واشطب على الحاجات اللى انت خلصتها علشان تحفزك انك تكمل وتتابع تقدمك كمان.

الغداء ايه النهاردة؟

لو انتم متفقين مقدماً على خيارات الأكل الصحية وتلاقوا الدايت مناسبكم، مش بس حتأكلوا أكل صحى انتوا كمان حتشجعوا بعض انكم تلتزموا فى الدايت، لأن سهل اقوى انكوا تتبعوا نفس الدايت والبرنامج، فكرة كويسة لما تقعدوا مع بعض وتتكلموا وقول انت ليه عايز تغيير عادات اكلوكوا، ايه اللى حيتغير لما تعملوه وإزاي حيأثر عليكم على المدى البعيد.

واظب على اللياقة:

أحسن طريقة علشان تتجنب السناكس اللى مش صحية زى البطاطس والسكريات هو انك تبعدها خالص من البيت، علشان لما تعوز تاكل سناكس مش صحية، تضطر انك تسيب البيت وتروح تشتريها، نصائح تانية علشان تواظب على اللياقة:

  • ممكن تحط طبق من الفاكهه زى التفاح والكمترى  المغسولة على السفرة لما تكون عايز حاجة تقرمشها.
  • ظبط المكان فى البيت للتدريب وحط ملحوظات فى معظم الاماكن علشان تتحفز للرياضة.
  • ممكن تغير السكرين سيفر على اللاب توب علشان يوافق اهداف اللياقة.
  • كمان خلى جدول البرامج والتدريبات جانبك طول الوقت.

نصائح مهمة:

  • خلى فى كلام وأنت بتأكلوا علشان تدوا فرصة للمعدة تدى اشارة للمخ انكوا شبعتوا وتقللوا الاكل.
  • اتمشوا مع بعض مسافة قصيرة بعد كل وجبة.
  • خططوا مع بعض اليوم الفري اللى فى اخر الاسبوع، وكلوا اكل صحى باقى أيام الأسبوع.
  • اختاروا نشاطات تقدروا تتحركوا فيها وكمان حاجة تستمتعوا بيها مع بعض.
  • اتمشوا مع بعض كتير او ممكن تسابقوا مع بعض.
  • دوروا على هواية تقدروا تعملوها مع بعض زى الجرى.

التعليقات

التعليقات

الصعود لأعلى