إزاي تحافظ على ألتزامك باللياقة يا فورما - يلافورما
الرئيسية » تمارين لياقة » إزاي تحافظ على ألتزامك باللياقة يا فورما

إزاي تحافظ على ألتزامك باللياقة يا فورما

فى الحقيقة، مهما كان عدد البوسترات مش حيساعدك فى تحفيز نفسك أنك تحافظ على ألتزامك باللياقة، لو أنت مش متجه للمكان الصحيح فى دماغك، فإزاي نوصل للمكان ده؟! هو أنك تتبع نصائح اللى يلافورما جبتهالك:

 
  • ما تتسرعش:
 

المشكلة مش فى اننا مش بنقدر نواظب على التدريب لفترة طولية لأننا ضعاف، ده بسبب اننا بنجرب التدريب فى ليلة وبتتوقع النتائج سريعة تانى يوم اللى مش بتحصل، وده اللى بيخليناش نكمل، علشان كده يا فورما ابدأ بتعليم نفسك وببطئ وأتعود على فكرة الرياضة، وخليها جزء من حياتك اليومية وخد الموضوع بالتدريج، أول ما تعمل كده حتقدر تحافظ على ألتزامك باللياقة بجدية ولأطول فترة ممكنه.

 
  • كافأ نفسك:
 

مهم جداً يا فورما أنك تكافأ نفسك من فترة للتانية، علشان يكون عندك حاجة تتشوق اليها بعد ما تكون بذلت مجهود فى التدريب، علشان كده فى أيام مفتوحة فى الدايت، وده بيساعدك انك تلتزم، المكافأة بيديك هدف علشان تحققه، مثلاً ممكن تقول لنفسك "كل اللى أنا محتاجة هو انى ألتزم لحد يوم السبت وممكن أكل شريحة بيتزا أو كيكة الشوكلاته". وبكده أنت مش بس حتلتزم بالرجيم أنت كمان حتلاقى ان شريحة كيكة الشوكلاتة كافية وممتعه.

 
  • خليك صبور:
 

من الأخر كده يا فورما، مافيش طريق مختصر للياقة، اللياقة بتحتاج لمجهود، بس أهم من كده بيحتاج لصبر ولضبط النفس علشان تواظب ومتقعش فى الدايتات اى كلام، المفروض تحدد أهداف ممكن تحققها من غير ما تموت نفسك أو تجوعها، أختار لايف أستايل صحية ممكن تحافظ على ألتزامك ليها.

 
  • خلى اللياقة جزء من حياتك اليومية:
 

أسهل طريقة تقدر تحافظ على ألتزامك باللياقة من غير ما تبوظ مجهودك، هو أنك تخلى اللياقة جزء من حياتك اليومية وتخليها حاجة تعملها تلقائى زى ما أنت بتغسل أسنانك كل يوم الصبح.

 
  • تصور هدفك:
 

زى ما قولنا قبل كده فى المقالات اللى فاتت أن اللياقة كلها فى المخ، واللياقة بتحتاج لمجهود وتخصيص علشان تبقى فى الفورما وتحافظ عليها بس الأهم انك تشوف نفسك قادر أنك تحافظ على ألتزامك باللياقة، وحيكون فى الفورما.


التعليقات

التعليقات

الصعود لأعلى