إزاي تأكل سناكس صح يا فورما؟ - يلافورما
Home » تمارين لياقة » فيت لايف » إزاي تأكل سناكس صح يا فورما؟

إزاي تأكل سناكس صح يا فورما؟

إزاي تأكل سناكس صح يا فورما؟

احنا بنأكل سناكس طول اليوم، وبقت عادة اننا نأكل سناكس او نجيب حاجة نقرمشها وتسلينا طول اليوم، بس بشوية تعديلات بسيطة حتأكل سناكس بطريقة صحيحه ومش حتحرم نفسك منها.

تأكل سناكس صح

  • كُل سناكس غنية بالبروتين

السناكس اللى غنية بالبروتين زى بروتين بار والمكسرات والزبادى حتسد جوعك لفترة طويلة وكمان مش حتعلى مستوى سكر الدم، وبكده حتأكل على فترات بعيدة وحتحسن مزاجك طول اليوم.

  • أوعى تخلى سناكس فى البيت:

لو انت عايز كيس شيبسى، اخرج واشترى واحد (على أقل تكون اتمشيت شوية وحرقت دهون)، لما تصعب الموضوع مش حتروح تجيب اصلاً او على الأقل حتأكل سناكس صحية او ماتأكلش سناكس اصلاً.

  • أوعى تشترى عروض على السناكس:

انت بتعتقد انها حتقعد سنة لو انت اشتريت علبة كاملة من الشوكولاته، وبتقول انك حتأكل واحده بس كل يوم، بس فى الحقيقة انت بتخلصها فى اسبوع واحد، لو انت عايز شوكولاته روح اشترى واحده بس.

  • اعمل سناكس بنفسك

لو انت متعود تأكل سناكس طول اليوم، وبتحتاج حاجة تقرمشها، ليه ما تعملش بوله مليانة بالسناكس الصحية وتخصص كمان مكان فى التلاجة للسناكس الصحية، أملأ بولة السناكس بـ:

  • فاكهه مغسولة وجاهزة للأكل.

  • مكسرات خام

  • خلى علبة فى التلاجة مليانه بالبروتين بار انت عملها بنفسك.

  • خلى دايما فى 8 اونس زبادى سادة فى التلاجة.

لو انت خليت سناكس صحية فى البيت، انت حتأكل سناكس احسن واصح، علشان كده يفضل انك تعمل سناكس صحية بنفسك، لأن مش حتلاقى حد بيهتم بصحتك ادك، كمان حتوفر فلوس اكتر لما تعمل كده.

  • اتحكم فى الجودة زى ما انت بتتحكم فى الكمية

السناكس بتكون مضره وغير صحية لما تاكلها عمال على بطال، حاول انك تحدد رقم او كمية معقولة من السناكس اللى انت تقدر تأكلها فى اليوم.

  • كُل سناكس بحرص

احنا بناكل سناكس واحنا فى الشغل او اثناء الفيلم او المباراة، واحنا مش بناخد بالنا احنا بنأكل ايه والكمية اد اى، خصوصاً السناكس بتكون سهله الأكل وعلشان كده احنا ممكن ناكل اكتر من الازم منها وننسى اشارة الشبع، لأن عقلنا فى مكان تانى خالص، لو انت بتأكل سناكس، قبل ما تأكل اى سناكس، أتاكد انك كتبت كل اللى انت اكلته وبتأكله وانت حتلاقى الفرق، حاجات كتير بتكون واضحه لما تنتبه أليها.


التعليقات

التعليقات

Scroll to top