إزاي الموسيقى بتأثر على تمرينك - يلافورما
الرئيسية » تمارين لياقة » إزاي الموسيقى بتأثر على تمرينك

إزاي الموسيقى بتأثر على تمرينك

إزاي الموسيقى بتأثر على تمرينك

الأغانى اللى انت بتختارها وانت بتتمرن بقت حاجة مهمه جداً، لأن الأعانى بتأثر علينا وتحسن المشاعر والنفسية وبعدين بتأثر على الطاقة المختزنة فى جسمنا ونتغير للأحسن، والموسيقى ممكن تعمل ده لأنها ليها تأثير عصبى على مخنا وبعدين يتحول لتأثير فسيولوجى فى جسمنا.

إزاي الموسيقى بتأثر على تمرينك

النتيجة ان الأغانى اللى انت بتختارها ممكن تحسن او تقلل من جودة التمرين، تعرف يا فورما ان الأغنية الصح فى الوقت المناسب ممكن تزود من طاقتك اثناء التدريب، وكل مرة وانت بتتمرن فيها انت مش بس بتحارب القيود الخارجية انت كمان بتحارب معركة داخلية مع نفسك، فممكن الاغنية اللى انت بتسمعها دلوقتى تكون حاسمه.

أنت محتاج لاتنين بلاى لست:

  • واحده علشان السيشن السهلة واللى بعد التمرين (Cool down).
  • واحده علشان السيشن الصعبة مع موسيقى البيت بتعها عالى اللى يخليك تهد جبال.

انت ممكن تختار اى اغنية كلماتها قوية او اى اغنية انت بتحبها، الأحسن ان تكون الأغانى متنوعة فى البلاى لست علشان تساعدك فى التركيز وتخلى مخك شغال، ساعات اثناء التدريب بتبدأ حركتك تبطأ، بس ممكن تحل المشكلة دى بانك تخلى الأغانى عشوائيه، حط أغانى مختلفة ومغنين وفرقة مختلفة فى نفس البلاى لست علشان تشغل عقلك ويكون عندك حافز تكمل.

لو أول اغنية فى البلاى لست مهمه علشان هى بتساعدك تدخل فى مود التدريب، كمان اخر اغنية فى البلاى لست ليها دور مهم، لانها بتدى اشارة ان التدريب قرب على الانتهاء، علشان توصل للمرحلة دى بسرعة وبقوة انت محتاج اغنية معينة تقدر تشغلها بسرعة، وتجدد نشاطك تانى، الاغنية دى ممكن بتحب تسمعها الأيام دى او اغنيتك المفضلة، المهم انها تديك طاقة لكل حركة انت بتعملها، المفروض تخلى الأغنية او الاغانى فى ألبوم مختلف بس فى نفس الوقت تقدر تشغلها بسرعة وسهولة.

السبب وراء قوة تأثير البلاى لست يرجع ان الموسيقى بتساعد مخنا انه يكون متظبط بعدين بيساعد جسمنا على التنفيذ، بيعتمد على نوع الكلمات وسرعه الإيقاع:

  • الموسيقى ممكن تحضرك للحرب
  • او تساعدك انك تسترخى

 

الموسيقى كويسه جدا وحتشجعك انك تتمرن، برغم أننا كلنا عايزين جسمنا وعقلنا يكونوا بصحه كويسة واقوية، الا فورم قليله بتقدر على كده، المشكلة مش فى قوة الارادة عندنا منها كتير، المشكلة فى عقلنا اللى بيقولنا كفاية وانت مش محتاج انك تتمرن 20 دقيقة زيادة، بكرة تعمله وهكذا، بس اللى احنا فعلاً محتاجينوا اننا نقاوم الأفكار دى علشان ننجح ونوصل لأهدفنا.

فى اللياقة مافيش يوم راحه لازم تتمرن كل مرة سواء انت عايز تتمرن او لا، لان الفورم الحقيقيين مش بيفوتوا تمرين ويكسل، وكمان انت يا فورما عندك الأغنانى علشان تساعدك وخصوصاً لما تعوز تشغل عقلك وتقول كلمات الأغنية.


التعليقات

التعليقات

الصعود لأعلى