إزاي اتمرن واكل كويس فى شهر رمضان - يلافورما
الرئيسية » رمضان والفورما » إزاي اتمرن واكل كويس فى شهر رمضان

إزاي اتمرن واكل كويس فى شهر رمضان

إزاي اتمرن واكل كويس فى شهر رمضان

فورم كتير بيسألوا "إزاي اتمرن واكل كويس فى شهر رمضان ؟" ناس كتير بيشوفوا ان فى شهر رمضان المبارك بيكون وقت بيخسروا قوتهم وعضلاتهم وناس تانية بيعتقدوا انه يدوبك يقدر يحافظ على اللى وصّله، اما البنات بيزيد وزنهم!!

مع ان ده مش صح خالص، لو انت اتبعت نصائح يلافورما، حيكون شهر رمضان المبارك اكتر شهر تبنى فى عضلاتك والبنات تخس مش تزيد فيه!! كله بيعتمد على:

  • انك تكتر من اكل العناصر الغذائية

  • تخلى جسمك رطب على طول

  • تعرف تعدل من معدل حرقك للدهون وهرمونات بناء العضلات، واهم حاجة انك تحضر نفسك، لو انت فشلت فى التخطيط، الخطة حتفشل!! كمان إزاى عايز تحسن من روحانيتك فى شهر رمضان بجسم تعبان ومرهق ومخك مش صاحى؟

أولاً، لازم تعرف ايه اللى بيحصل لجسمنا فى رمضان، وانت صايم بيحصلك جفاف، وبيحصل جفاف اكتر وخصوصاً لعضلاتك لو انت عملت تمرين aerobic وانت صايم، علشان كده غلط وخطر كمان انك تتمرن تمارين شديدة وانت صايم، اما بالنسبة للمصدر الأساسى لمعدل حرقك للدهون وانت صايم بيكون معظموا دهون ودى حاجة كويسة، علشان كده هدفنا فى رمضان اننا نزود من معدل حرقنا للدهون حتى لو هو بيبطء بسبب قلة اكل الوجبات على فترات، علشان كده احنا محتاجين نحافظ ونزود من الكتلة العضلية اللى من غير دهون لأنها حتزود من معدل حرق للدهون وتحرق كالوريز اكتر حتى وانت صايم وتحسن وتزود من اداءك فى تدريب الـcardio وتدريب الـweight training.

يلافورما بتنصحك انك تقلل تدريب الـCardio وتعمله مرتين فى الأسبوع بس فى رمضان مهما كان هدفك الرياضى،ده علشان تحافظ على عضلاتك على قد ما تقدر، فى بحث بيوضح الفوائد الصحية للصيام، الصيام فعلا بينقى الجسم، بناء على دراسة نشرت فى الصحيفة الأوروبية للتغذية الطبية المعتمدة، استنتج الباحثون ان "لا يوجد اى اثار ضارة على الصحة بشكل مباشر لحد الأن المنسوب لنقص توزان المية فى الجسم فى رمضان" مش بس كده، ده فى بحث تاني لاقى ان الصيام فى رمضان له فوائد صحية للقلب الوعائى، ده لو انت تجنبت الـIBS، الـIBS عبارة عن الأكل الكتير والمستمر على الفطار! مهم اوى انك تأكل بإعتدال وتأكل وجبات صغيرة على فترات بعد الفطار.


التعليقات

التعليقات

الصعود لأعلى